Lucien’s POV
Tama si Adria, dahil nang matapos na ang LCS singing showdown sa loob lang ng dalawang buwan ay si Harry Gomez ang nanalo. Si Harry na hindi naman kagalingan. Oo, maganda ang boses niya, maganda ang mukha at katawan, pero kung sa ganitong contest na pangmalakasan at talagang pinapalabas sa buong Pilipinas, hindi dapat manalo ang gaya niyang hindi naman kayang umabot ng mga matataas na kanta. Ilang beses siyang pumiyok, tandang-tanda namin ‘yon, pero kapag pinapalabas na sa tv, nawawala ang piyok. Sa wari namin ni Adria ay tila may exclusive na pagte-taping siya para ulitin ang performance niya. Tapos, nalaman din namin ni Adria na kaya siya nanalo at talagang plano nang maging grand champion doon ay dahil pala sa director na bakla na siyang may hawak sa kaniya. Hindi mayaman
