Napatakbo si Sugar papunta sa banyo nang maramdaman niya ang biglang pagbaliktad ng sikmura niya.
"Ump! Ummp!" Pagduduwal niya pa sa toilet bowl kahit halos walang lumalabas na suka sa kaniyang bibig.
"Ummp! s**t!"
Napapa-iling na lang sya dahil kada bangon ng ulo niya ay muli niyang nararamdaman ang pag asim ng kaniyang sikmura.
"Babe?!" Mahinang dinig niya sa boses ni Alex mula sa labas. Hindi kalaunan ay nakarinig siya ng kalabog ng yabag nito na papunta sa banyo at tama nga sya dahil ilang segundo lang ay nasa likod na niya ito at hinihimas ang likod niya.
"Babe... Ayos ka lang? Dumuduwal ka ulit?" Tanong ni Alex. Hindi siya nagkasagot dahil ibubuka niya pa lang ang kanyang bibig ay biglang umasim na naman ang kaniyang sikmura at halos idausdos ang kaniyang mukha sa inidoro.
