"Hay, Naku! Nanggigigil ako! Kung nandito lang ako kanina ako na sumabunot sa babaeng iyon! Kapal kapal ng mukhang sumugod ha? At iyang Alwin na iyan! Kapal din ng mukha! Ilang beses mo na nga tinanggihan, lapit pa rin ng lapit! Naku sinasabi ko sa iyo ng tumawag si Manang sa amin kanina ay grabe na-highblood si Mama eh." Inis na sabi ni Candy sa kaniya.
Nalaman kasi nito ang tagpo kanina rito dahil tumawag si Manang. Dahil doon ay dali-dali silang umuwi ng kanyang Mama. Galit ang Mama niya at nagpunta sa barangay para ipa-blotter si Lara sa barangay.
"Alam mo, Sis? Buti na lang nandito si Alex kanina. Sinabihan ba naman kasi ako nung Lara na wala ng papatol sa akin kundi si Alwin lang, dahil matandang dalaga na daw ako. Tapos lumabas si Alex, inakbayan ako at---"
"At?" Tanong
