اعداء بالدم

الحلقة السابعة #الوقت

#اعداء_بالدم

#الحلقة-السابعة-

#الوقت

الايام بتعدي زي حبات الرمل جوه ساعه حبه ورا حبه وينقص من عمرك حبه ممكن تكون ثانيه او دقيقه او ساعه محدش عارف قيمه الوقت غير اللي لمس الموت ولمس الموت ممكن يكون بطريقه مش مباشره زي موت حبيب او صديق او ابن او اب و باسل لمس الموت لما ابوه مات بقي عارف معني الوقت علشان هو ملحقش يقعد مع ابوه بقي عنده احساس ان الوقت ده عدوه اللدود بس مش عدو قتال لا سباق , باسل هياخد ايه من الوقت او الوقت هياخد ايه منه

الوقت هو الموت هو الحياه هو الفرح هو الحزن هو الليل هو النهار الوقت هو العمله اللي ليها وشين وش فوق وش تحت وده قانون الدنيا وشين ل كل حاجه

#ملحوظة الحلقة دي علي ل**ن باسل لو عاجبكم السرد كدة هكمل وعملتها طويلة جدا عشان محدش يستخسر يقول راية

بدايه الفصل

رجع باسل البيت بتاعه وتاني يوم كان عند سندي تحت البيت ورايحة الجامعه وهي مبهوره ب العربيه وصلو ودخله جوه الكافتيريا قعدو ورح محمد عندهم

محمد : صح اللي سمعته ده

انا : سمعت ايه ؟

محمد : محمود اخوك هيتجوز

انا : ايوه

محمد : حياه صح ؟

انا : طبعاً هو في غيرها

محمد : تصدق فرحت للاتنين بجد ليقين على بعض جدا

سندي : انتا اخوك هيتجوز ؟

انا : ايوه انتي جايه معايا

سندي : اجي فين ؟

انا : الفرح

سندي : وده امته ؟

انا : الحنه النهارده وبعد بكره الفرح هنا في القاهره

سندي : (باستغراب) انتا بتتكلم بجد

انا : ايوه انتي مندهشه ليه

سندي : علشان مناسبه زي دي لازم اجهز ليها من بدري اقل حاجه شهر

انا : شهر ليه هو فرحنا

سندي : لا لو فرحنا يبقي اجهز ليه من سنه

انا : طيب يا ستي مش لازم يعني كل التجهيزات دي

سندي : لا لازم

انا : طيب اسمعي اشتري فستان الفرح وخلاص مش لازم الحنه

سندي : طيب ( قامت ورجعت قعدت تاني ) بقولك ايه ممكن طلب

انا : اي حاجه انتي تأمري

سندي : ممكن مفتاح عربيتك ( ابوها كان باع عربيتها كمان )

انا : ( بي ابتسامه ) بس كده دي حاجه بسيطه جدا خدي يا ستي

سندي : حبيبي يا باسل باي

مشيت سندي وانا باصص عليها وبدحك وسرحان فيها وفي جملها وفي رقتها وفي(طبعا في واحد رخم جنبي لزم يفصلني)

محمد : وانتا ايه بقي

انا : (بصيت ليه بي ق*ف) عايز ايه من ناجية

محمد : (بي ابتسامه) مبسوط يا باسل

انا : طبعاً مبسوط انا معايا كل حاجه صاحب جدع عيله كويسه وبتحبني ومعايا حب حياتي هعوز ايه تاني من الدنيا قولي انتا بقي مش ناوي تنسي منة

محمد : لا خلاص منة دي صفحه واتقفلت خلاص

انا : طيب ايه بقي

محمد : مش عارف انا بدور على الاستقرار دلوقتي

انا : طيب مين بقي اللي عليها العين

محمد : ( بابتسامه خلت وشه نور ) بنت كده

انا : تعرفها

محمد : اكيد بس هي متعرفش اني بحبها

انا : مين دي

محمد : واحده كده

انا : طيب اوصفها

محمد : بنت كده زي الكتاب ما بيقول حاجه ملهاش وصف جميله محترمه بنت ناس

انا : معانا في الجامعه

محمد : لا

انا : طيب ايه اللي منعك روح كلمها

محمد : بعدين مش وقته

باسل: ماشي يا عم محمد بقولك ايه انا رايح المطعم عايز حاجه

محمد : هتسافر امته

انا : مش لما المجنونه دي تخلص الاول بعد كده نسافر سلام

محمد : سلام

مشيت من الجامعه ركبت تا**ي ورحت المطعم دخلت المكتب لقيته عادي مع اني راح وفي دماغي انه مبهدل من بيات ابتهال فيه قعد شويه وطلعت اقعد بره المكتب ولقيت ابتهال جيه عليا

ابتهال : (لبسه اليوني فورم ومبتسمه) صباح الخير يا بيه

انا : لا لو هتشتغلي معانا يبقي بلاش بيه باسل اسمي باسل من غير تكليف

ابتهال : ( بي اندهاش ) باسل كده من غير بيه لا ميصحش

انا : لا يصح قوليلي ارتحتي في النوم مبارح

ابتهال : طبعا هو انا كونت احلم

انا : طيب يا ستي ( بنادي على واحده شغاله معايا ) سلوي سلوى تعالي

سلوي : صباح الخير يا باسل

انا : صباح النور يا ستي قوليلي احنا معانا كام واحده بتشتغل من بره القاهره

سلوي : مفيش غيري انا وسمر من دمياط وابتهال من المنصوره

انا : طيب انتي ساكنه هنا فين

سلوي : انا وسمر في بيت الطلبه

انا : طيب بقولك ايه خدي رأي سمر ولو موافقين اشوف ليكم شقه تقعدوه فيها انتو الثلاثه بدل البهدله في بيت الطلبه

سلوي : اكيد سمر هتوافق

انا : طيب في شقه جنب المطعم بتاعتي هي فاضيه تقعدو فيها النهارده

سلوي : بس الايجار في المنطقه هنا اكيد غالي

انا : سلوي بلاش الكلام ده عيب احنا اخوات يلا امشو

مشت سلوي وابتهال

ابتهال : هو دايما كده

سلوي : قصدك مين

ابتهال : باسل

سلوي : لا ده كده لا هو دايما اطيب من كده في العادي ممكن يوم يقفل فيه المطعم ويعزمنا كلنا نتغده مع بعض ويقعد يأكل معانا ساعات يطلبني انا او سمر او اي حد من الي شغلين معانا يقعد يتكلم معانا ويعرف مشاكلنا ويحلها لينا

ابتهال : بس تصدقي واد مز وقمر يتأكل اكل

سلوي : لا حيلك رايحه فين ده مرتبط

ابتهال : ( ب حسره نفس ) بجد

سلوي : طبعا يا بنتي هو واحد زي باسل هيقعد فاضي ليه بس بجد هو ايوه طيب وجدع ومتواضع ايوه والبنت اللي يعرفها اطيب منه بي كتير جدا جنب ده كله قمر 14

في مشهد اخر

البيت عند ممدوح طلعت خالتي تصحي حياه

خالتي : (بتزغرد) قومي يا عروسه كل ده نوم

حياه : (صحيت من النوم) صباح الخير يا ماما

خالتي : يله قومي النهارده حنتك يا عروسه

حياه : طيب قيمه

خالتي : بلاش **ل كلها شويه واصحابك يجو

قامت حياه من النوم وخالتي نزلت تحت وهي راح لي ابوها الاوضه خبطت ودخلت لقته لابس جلبيه بيتي

حياه : ( بتتكلم مع ابوها بحذر ) هو حضرتك لسه مجهزتش

ممدوح : ادخلي واقفلي الباب وتعالي اقعدي جنبي

حياه : (قفلت الباب وراحت قعدت جنب ابوها وهي مهزوزه)

ممدوح : (فضل باصص في وشها شويه) ليه يا بنتي عملتي كده

حياه : ( بصه في الارض و جواها كلام كتير وصراع انها تسكت او تتكلم مش عارفه بس قررت تتكلم ) حضرتك السبب أضطرتنا نعمل كده

ممدوح : يعني اللي انتي عملتيه مش ندمانه عليه

حياه : انا ندمانه على الفعل اني اتجوزت من وراك مش على الجواز من محمود حضرتك عارف يوم كتب الكتاب كنت لوحدي كان نفسي تبقي معايا وتفرح بيا ونعمل فرح كبير بس كل ما افتكر كده افتكر كمان الرفض وموقفك

ممدوح : انتي عارفه لما رفضت محمود وجالك بعده كدة واحد كنتي انتي بترفضي وانا بوافق على رفضك بدون سبب عرفه ليه علشان انتي بنتي مكنتش متخيل انك تمشي وتسيبي البيت انا طول عمري في شغلي كنت بعمل انجازات كتيره بس انتي اعظم انجاز انا عملته بس ضاع من ايدي مش بسببك لا بسببي انا وسبب تحكمي والأنانية بتاعتي

خد بنته في حضنه وهو عيط وهي كمان بس ساكته وهي قامت تجهز وهو نزل ل ضيوفه وبداء الجزارين الدبح

المشهد الرئيسي

وصلت سندي ب العربيه بعد ما جهزت وخلتها تلم الشنطه بتاعتها وانا الشنطه بتاعتي كانت جهزه خدتها وطلعنا على الطريق ومحمد كان مستني بعد البوابات وصلنا البلد وسندي بالنسبه ليها البلد دي حاجه غريبه عليها دخلت ب العربيه ومحدش عرفني خالص دخلت جوه السور كان مصطفي واقف مع الغفر

مصطفي : مش عايز حد يعوز حاجه الناس كلها تاكل الخير كتير والحمدلله ومش عايز ض*ب نار في ناس مهمه جايه من القاهره ومعاها حراسه مش عايز كلام

غفير : امرك يا بشمهندس

مشي الغفير

مصطفي : (شافني) باسل حمدلله على السلامه

انا : الله يسلمك يا اخويه

مصطفي : فين عربيتك

انا : غيرتها

مصطفي : ماشي يا عم ( بص على سندي وكلمني بي صوت واطي ) هي دي

انا : ( بي صوت واطي ) ايوه

مصطفي : (بي صوت واطي برضه) تستاهل

انا : تعالي يا سندي انتي م**وفه

سندي : ايه لا عادي

انا : ده يا ستي مصطفي اخويا الكبير واعتبريه حماكي من دلوقتي

مصطفي : اهلا يا سندي نورتي الكفر

انا : ده بقي يا ستي كبير البيت اللي كنت بحكي ليكي عليه بقولك ايه ماما فين

مصطفي : جوه البيت مع الستات

انا : طيب انا دخلها

خدت سندي ودخلت كانت مرتات اعمامي كلها قعدين معاها

انا : انا جيت

ناجية : ( ب فرحه وقيمه تحضني وانا فاتح دراعاتي ل حضن الام الحنين قامت بعدت دراعي وحضنت سندي ماشي يا اما ) حبيبتي يا سندي عامله ايه

سندي : ( خدت ناجية في حضنها ) وانتي اكتر يا ماما

ناجية : لو كنت وحشاكي كنتي سألتي عليا

سندي : والله لو معايا رقم حضرتك كنت كلمتك

ناجية : طيب اطلبي الرقم من الحيوان

انا :طيب ايه اطلع فاصل انا ولا ايه

ناجية : عايز ايه ياض

انا : اصلك خدتيها في حضنك وانا لا مش باسل ابنك برضه

ناجية : لا هي بنتي وانتا لا

انا : بقي كده

ناجية : ايوه كده

انا : طيب اشبعي بيها

طلعت الاوضه البس جلبيه فلاحي وجزمه ونزلت اول ما سندي شف*ني قعدت تضحك جامد

سندي : هههههههه انتا عامل في نفسك كده ليه

ناجية : لازم يلبس كده زي باقي اهله

سندي : بس شكله غريب

انا : بس حلو

سندي : ( ب**وف لانها قاعده وسط ستات كتير ) احلي واحد

ناجية : ماشي يا نحنوح انتا وهي اطلع بره اقف مع الرجاله وانتي يا جيهان اقعدي مع سندي لحد ما شوف الطباخين عاملو ايه يلا

قامت ناجية وانا طلعت بره وجيهان قعدت جنب سندي

جيهان : انتي بقي سندي

سندي : اه باسل

جيهان : تصدقي ناجية ليها حق تعتبرك بنتها

سندي : شكرا

جيهان : شكراً والله انتي عسل

سماح : ( مرات عمي عا** ) بس مش جميله قوي يعني

سندي : (اتصدمت من الكلمه وسكتت وات**فت جامد)

جيهان : ( قررت تدافع عن سندي تقدم السبت علشان تلقي الحد ) لا يا مرات عمي دي قمر 14

دخلت ناجية

ناجية : تعالي يا سندي علشان الغدي

سندي : شكرا يا طنط انا اكلت في السكه

ناجية : لا اكل الطريق ده اسمه اكل انا محضره ليكي السفره بتاعتك لوحدك

سندي : طيب باسل مأكلش حاجه خالص وبعدين انا عامله رجيم

ناجية : لا باسل هياكل مع الرجاله وبعدين رجيم ايه انا عايزكي تطخني كده تتملي علشان فستان فرحك ( اول ما ناجية قالت كده قامت ساره بنت عمي مشيت وعنيها في الارض ) يلا يا قمر

المشهد الرئيسي

محمود اخويا جيه من عند الحلاق ودخل كل الناس بتبارك وتسلم ودخل عليا خدته بالحضن

انا : الف مب**ك يا عريس

محمود :الله يبارك فيك يا اخويا

انا : عايز بقي ايه تفرح النهارده علشان بعدين مفيش فرح تاني

محمود : ليه يا فقري بس

اشرف ابن عمي عا** : (دخل علينا ومعاه بنته الصغيره فيروز) بعد كده الحمل والعيال وق*فهم كخ يا فيروز عيب كده يا ماما عيب شوفت بقي العيال

محمود : بقولكم ايه انتو ناس كئيبة انا داخل البيت اغير

دخل محمود غير هدومه ونزل بعد الغدا شغلنا الدي جي وكل الشباب بترقص عدي اليوم عادي جدا مفيهوش اي حاجه ودخلت جوه لقيت ناجية قاعده مع جيهان وسندي وكلهم هلكانين من اليوم قعدت جنب سندي

انا : ايه يا حبيبي عجبك اليوم

سندي : جدا يوم جميل

انا : ( مسكت ايدها ) لسه يوم فرحنا بقي

ناجية : سيب ايد البنت بدل ما اقوملك

انا : خلاص يا معلم سبتها

محمود : عبالك بقي يا باسل مش فاضل غيرك

انا : لا باسل لسه بدري قوي

ناجية : ليه يا اخويا ناقصك ايه

سندي : لسه بدري يا طنط لما نخلص تعليم الاول

انا : والاقي عروسه

سندي : ايه ده باسل اقتلك هنا

ناجية : سبيه سبية شكلي انا اللي هقتله مش انتي

انا : خلاص يا جماعه بهزر وبعدين دراسه ايه انا ها ناخد ايه من التعليم

سندي : ( ض*بتني في ص*ري بي دلع ونامت في حضني ) ايوه كده اتعدل

ناجية : قومي يا بنت من حضنه وبطله محن

انا : قومي يا بنتي بدل ما ناجية تولع فينا يلا اوصلك

ناجية : ( بصت ليا بخضه ) انتا راجع القاهره تاني ؟

انا : لا بس هوصل سندي فندق القوات المسلحة

مصطفي : ليه يبني بيته هنا

ناجية : لا يبيته فين انتا ومصطفي ومحمود تنامو في الجنينه في اوضه الكلب وهي تنام هنا

سندي : ليه يعني يا طنط لا الفندق موجود

ناجية : بس يا بنت ودي تاني مره تقولي فيها يا طنط طول اليوم وانا سكته ليكي بالعافيه

جيهان : طيب ليه ينامو في اوضه الكلب ما ينامه في البرتشن اللي بره اهو زي اوضه الكلب برضه

مصطفي : (مسك ايد جيهان) اهون عليكي انام بره

جيهان : لا يا حبيبي مقدرش

ناجية : خلصته محن ولا لسه انا قولت كلمه خلاص مفيش فندق يعني مفيش فندق

سندي : طيب انام انا في البرتشن ( هو عباره عن اوضه في حمام وصاله ومطبخ امريكي )

انا : ماشي حلو

ناجية : طيب

دخلت سندي البرتشن وانا طلعت الاوضه انام انا واخواتي بس بعد شويه صحيت ورحت ل سندي وانا واقف باسل الباب سمعتها بتتكلم في التلفون

سندي : يا حبيبي بقولك مسافره....... وانا كمان عايزه اشوفك........ طبعا بعد ما اتجوز انتا هتفضل حبيبي........ انتا اللي حبيبي

انا : ( طبعا الكلام يفور الدم ازي سندي البنت الي حبتها وثقت فيها تطلع كده ازي قدرت تضحك عليا خبط عليها )

سندي : ( قفلت المكلمه وقامت تفتح ) ايه ده باسل ايه اللي جابك

انا : (كنت عايز اض*بها بالقلم بس تمالكت اعصابي ودخلت الاوضه) جي اطمن عليكي

سندي : (بي ابتسامه) مجنون لو امك شاف*نا ها تولع فيك

انا : مش مهم المهم اني هنا معاكي

دخلت قعدت على الكانبه وهي قعدت جنبي في حضني

انا : بقولك ايه افتحي الثلاجه فيها عصير اعمل كوبايتين يلا

سندي : ( قامت ودخلت المطبخ )

انا : بقولك ايه انا هعمل تلفون من عندك

سندي : اوكي

انا : ( فتحت تلفونها ولقيت اخر مكالمه مدتها 20 دقيقه متسجل الرقم بي ماي بروا اخوها انا دخلت الرقم عندي على الترو كولر وطلع ب اسم باسم اخوها زعلت قوي من شكي فيها لي تاني مره قولت اعوضها رحت ليها المطبخ وهي واقفه قدام الرخامه وعطياني ظهرها حضنتها ) انا بحبك قوي

سندي : (لفت وبقي وشها في وشي) وانا كمان

بوستها من خدها وهي اندمجت معايا فوقنا منها على صوت انا عارفو كويس

ناجية : كنت عارفه

انا : ( بعدت عن سندي ) عارفه ايه يا حاجه انتي فهمه غلط

ناجية : غلط ازي غلط انتا و البنت في المطبخ وتقولي غلط انا صاحيه ومتأكده انك هتعمل كده

سندي : يا ماما افهمي بس

ناجية : افهم ايه انتي بدافعي عن الحيوان ده انا عارفه انك ملكيش ذنب امشي يا كلب على اوضتك يلا

انا : ماشي

عديت من جنبها وض*بتني علي قفايه طلعت اجري

ناجية : وانتي بتعملي ايه تعالي هنا (خدت سندي من ايدها وقعده على الكنبه) بقولك ايه يا بنت الحلال باسل عارف ابني كويس عايزه تحكيلي كل حاجه بتحصل بنكم

سندي : محصلش حاجه بيني وبين باسل

امى : يعني ايه

سندي : يعني دي اول مره يبوسني او يحضني

ناجية : يعني عمره ما لمسك غير النهارده

سندي : (حست بي احرج بس لازم تدافع عن نفسها لا ناجية تفهمها غلط) بصي يا طنط انا مش هكذب عليكي باسل حاول معايا كذه مره بس كنت بصده وبديله على دماغه وده اللي خلاه يطلبني للجواز لانه عارف مش هيعرف ياخد حاجه مني غير ب الحلال بس

ناجية : ( قاعده تسمع كلامها وهي مبتسمه اني عرفت اختار صح ) انتي جدعه وبنت بي 100 راجل علشان كده انا حابه انك تقوليلي يا ماما

في مشهد اخر

البيت عند عمي بهجت قاعد مع عمي عاصم

عا** : زي ما بقولك كده باسل مصادري في المحافظه بيقولي ان النتيجه ظهرت بس لسه الظرف متفتحش بس قالي كمان وش كده حسان هو اللي **ب

بهجت : ( ب غضب ) يعني ايه وباسل

عا** : مش ده الكلام اللي انا قولته باسل عيل صغير ومش هيعرف يعمل حاجه

بهجت : يعني ايه

عا** : ضاعت يا اخويه

المشهد الريسي

طلعت انام من ارهاق اليوم صحيت الصبح الساعه 1 الظهر لقيت ناجية قاعده مع عمتي شيماء

انا : صباح الخير

ناجية : صباح الخير يا منيل على عينك ايه اللي عملته امبارح ده

انا : ده موضوع كبير جدا

ناجية : طيب ايه هو

انا : ( حكيت لي ناجية الي سمعته واللي عملته ) بس حسيت اني عايز اعتذر ليها

ناجية : طيب ده كلام يابني ازاي ترمي ودنك وتتنصت عليها

انا : مش عارف يا ماما هي جت كده مكنش قصدي خالص

ناجية : طيب اد*ك عرفت واطمنت بس لا دلوقتي ولا بعد الجواز تدور وره مراتك وألا الشك ده هيبقي عامل زي السوس إللي بياكل في حبكم وجوازكم وسعادتكم

انا : ماشي يا حاجه منك نتعلم برضه

بعد شويه نزلت جيهان ومصطفي ومحمود وسندي طلعت وقعدنا نفطر مع بعض وكل واحد طلع يجهز شنطه للسفر بليل علشان الفرح بكره في القاهره بعد شويه عمي بهجت جيه مع أعمامي كلهم وعمي عا** سخنهم عليا ف كله جاي رافع سكينه علشان يدبح قعده في المكتب مع ناجية ومصطفي

علاء : جري ايه يا حاجه انتي مش قولتي سيب الموضوع ل باسل وهو يخلصه

ناجية : ايوه حصل

بهجت : وايه النتيجه بقي ادي الورق اتمضي وحسان **ب

مصطفى : ( ب استغراب ) وعرفت منين يا عمي

عا**: ليا واحد في المحافظه وهو اللي قالي

ناجية : يعني النتيجه مظهرتش علني

بهجت : ايوه بس قربت

ناجية : (بضتدحك) هههههههه

عا** : (بتهكم) بتضحكي علي ايه يااااا حاجه

ناجية : بضحك عليكم

بهجت : جري ايه يا ناجية احنا مضحكه ولا ايه

ناجية : ( بي ابتسامه ) اولاً اسمي الحاجه ناجية ثانيا نادم باسل يا مصطفي نشوف رأيه

طلع مصطفي ليا وامي قاعده بصه ل الكل ب تحدي وابتسامه طلع مصطفي عندي الاوضه وحكالي اللي بيحصل تحت ونزلت انا وهو دخلنا المكتب

انا : منورين يا عيله ال**دي

عا** : ( بتهكم ) ب نورك يا اخويا

انا : ( باصص ليه ورافع حاجبي ومبتسم قعدت ) خير عايزني في ايه

بهجت : ( ب لهجه هجوميه ) عملت ايه في موضوع الانتخابات

انا : ياعمي فكك من موضوع الانتخابات ده دي قصه قديمه ومش مقامك

بهجت : انتا بتقول ايه مينفعش هيبه العيله كلها واقفه عليك وانتا تقولي فكك ازاي انتا عيل لا يعتمد عليه نهائي وانا اللي قولت انك كبير ونقدر نعتمد عليك طلعت عيل

انا : ( مش مهتم ل كلامه وساكت )

علاء : ( بص ل برودي واستغرب رغم انه عارف اني بارد بس ورا بردي مصيبه كبيره ) طيب اهدي يا بهجت وسيب باسل يرد

انا : ارد اقول ايه عمي ونازل فيا تهزيق وانا مقدرش ارفع عيني في عينه أبداً

علاء : طيب فهمني انا بلاش عمك بهجت

انا : طيب افهمكم بس عمي بهجت يشرب العصير ويروق دمه بس ونتكلم

بهجت : مش شارب عصير وعايز اعرف انتا جايب البرود ده منين

انا : طيب يا عمي انا هقولك جايب البرود ده منين , انتو عرفتم منين الموضوع ده

علاء : من عمك عا** ليه واحد في المحافظة

انا : طيب يا عمي علاء الواحد ده شاف الورق ولا لا

عا** : لا بس عارف النتيجه

انا : ( طلعت الورق اللي اخدتها من اسلام ) طيب الراجل ده يا كذاب يا بشتغلك ( اديت الورقه لي عمي بهجت ) دي صوره من قرار المحافظ والتاريخ 2/12 يعني من يوم اظن يا عمي كده ارتحت

سبتهم ومشيت وكلهم ساكتين والورقه لفت عليهم كلهم

علاء : ازاي يا عاصم

عا** : (قاعد ساكت مش عارف يرد) مش عارف

بهجت : يبقي الراجل بتاعك اشتغلك يا سيادة اللواء

المشهد الريسي

طلعت الجنينه لقيت سندي قاعده مع جيهان

سندي : هي مين ساره دي

جيهان : انتي عرفتي الاسم ده منين

سندي : كنت قاعده امبارح واتكلمت مع بنت عمك ميار وحكت ليا عن ساره و باسل

جيهان : اقولك يا ستي ساره دي بنت عمنا وبتحب باسل جدا لدرجه متقدريش تتصوريها بس

انا : (دخلت عليهم وقطعت كلام جيهان ) بس باسل اختار حبيبته خلاص

سندي : ( ابتسمت بي **وف وسكتت )

جيهان : ايه يا باسل كان فيه دوشه في المكتب

باسل: لا مفيش حاجه مهمه (بكلم سندي ) بقولك ايه يا قمر ماما مش هتخلينا نسافر غير لما نتغده الاول عايزك كده زي الشاطره تدخلي معاها المطبخ وتتعلمي شويه

سندي : ( باستغراب ) ادخل المطبخ

جيهان : ايه فيها ايه

سندي : انا مستحيل ادخل المطبخ

جيهان : اشمعنا ياختي

سندي : بصي يا جيهان انا عندي استعداد اخش المطبخ بس تحضره عربيه المطافي اخر مره دخلت المطبخ حرقته علشان كبايه نسكافيه

جيهان : هههههههه انتي عسل يا سندي

واحنا قاعدين جيه محمود

محمود : انتا ايه يا اخي

انا : ايه

محمود : عملتها ازاي دي

انا : عملت ايه يا بني

محمود : اعمامك قعدين جوه مع امك واخوك وسلخين عمك عاصم

انا : انا مالي عمك هو اللي غشيم جاي يلعب معايا انا

محمود : اموت واعرف عملتها ازاي

دخل علينا محمد صاحبي ( ده مبقاش بيت ده بقي شارع كل اللي معدي يدخل )

محمد : صباح الخير يا ولاد ال**دي الف مب**ك يا عريس

سندي : ايه يا عم انتا هو انتا هنا وفي الكليه كمان اشوفك نفسي اروح في حته انتا مش فيها

محمد : بصي شوفي حته وجه البرص ده مش فيها انا مش فيها

انا : وجه البرص يا شمام الكليه

جت ناجية ومصطفي

محمد : صباح الخير يا خالتي ام مصطفي

ناجية : (ديما تحب تهزر مع محمد وعزيزي القارء لما اقولك ناجية العدوي تحب تهزر يبقي تحب تهزق وش ) صباح الخير يا روح امك بتعمل ايه هنا ياض

محمد : جاي اصبح عليكم واعرف هتسفرو امته علشان اجي معاكم

ناجية : ليه انتا هتحضر الفرح

محمد : اللي تشوفيه يا خالتي

ناجية : انا هاديهم امر متدخلش

محمد : خلاص هدخل مع عمي منصور

ناجية : وانتا فاكر اني عمك منصور يعرف يدخل اذا كان هو نائب في مجلس الشعب انا ابقي ناجية العدوي اسأل ابوك وهو يقولك مين ناجية العدوي يابن اختي ( توضيح محمد يبقي ابن خالتي نهي وهي وامي توأم)

محمد : خلاص يا وحش انا اسف

ناجية : بقولك ايه ابقي فكر ابوك الواطي اني سنويه امك بعد يومين بدل ما ينسي

محمد : ( ب ابتسامه حزن لان امه ماتت وهي بتولده ملحقش يقعد معاها واللي ربته ناجية وانا وهو اخوات في الرضاعه ) ماشي يا خالتي وبعدين ابويا نسي مره واحده بس

ناجية : هي مره دي شويه

قعدنا نضحك شويه وارخم على محمد وهو يجي يرد عليا سندي ترخم عليه يجي يكلم سندي ناجية تض*به على دماغه قومنا اتغدينا كلنا مع بعض ومشي محمد يجيب ابوه واخته الكبيره واحنا ركبنا كلنا حتي اعمامي وطلعنا على الطريق وصلنا القاهره بليل وكل واحد طلع علي بيته ورحت اوصل سندي

انا : يا نهار اسود انا نسيت حاجه مهمه

سندي : ايه في ايه

انا : تصدقي نسيت اشتري بدله

سندي : ( ب ارتياح ) يا شيخ اتنيل انا قولت نسيت حاجه مهمه

انا : لا طبعاً مش حاجه مهمه خالص بدله فرح اخويا وعادي مش مهم انتي ع**طه

سندي : يابني البدله بتاعتك انا جبتها وزمانها في المطعم دلوقتي

انا : جبتيها امته

سندي : قبل ما نسافر اخترتها وخلتهم يظبطوها شويه حاجات كده ويبعتوها على المطعم عندك

انا : مش عارف يا سندي من غيرك كنت عملت ايه

سندي : كنت حضرت فرح اخوك ب بدله اي كلام بس ذوقي انا لا يعلي عليه

انا : طبعا يا قمر ( وصلت تحت بيتها ) انزلي يا بنت المقشفه يلا

سندي : ماشي يا باسل سلام

نزلت سندي ودخلت العماره كان في شاب واقف عند الأسانسير التاني وهو واقفه طلبته التاني

شخص : انتي لو بتحبي العربيات احنا بنعرف نركب برضه

مبصتش عليه خالص ودخلت الأسانسير طلعت الدور بتاعها لقته برضه طالع من الانسانسير

شخص : (راح ناحية الشقه اللي جنبها) على العموم اد*كي عرفتي السكه

دخلت الشقه ومدتش اهتمام ليه خالص

المشهد الرئيسي

وصلت البيت والكل كان نايم دخلت الاوضه بتاعتي غيرت وطلعت كمانجه بتاعتي انا اتعلمت العزف وانا صغير ولسه بعزف لما بحب افصل من التفكير وطلعت البلكونه وبدأت العزف لحد الفجر وقفت وبعد الفجر كملت ودخلت ناجية عليا

ناجية : ياه يا باسل وحشني عزفك

انا : طيب تحبي اعزف ايه

ناجية : اي حاجه

انا : (قعدت اعزف ل ناجية وهي قاعده تبص عليا لحد ما خلصت) تحبي تسمعي حاجه تاني

ناجية : لا بلاش خليها بعدين نام علشان بكره يوم طويل

انا : تصبحي على خير يا ماما

دخلت انام شويه

مشهد من المستقل

انا راكب طياره ومسافر بره مصر وباصص من الشباك

انا : (سرحان وبكلم نفسي) ياه بقيت هربان شوف كل عزيز ليه يوم ذل زمان كنت باسل ال**دي شاب مقبل على الحياه عندي كل حاجه امي واخوات وعيله وزوجه بتحبني هو انا عملت ايه علشان يحصلي كل ده انا عملت خير في ناس كتير عشان يوم ما اعوزه ألقيه لكن دلوقتي بقيت لوحدي معيش حد صدق اللي قال الدنيا ملهاش امان