When Hope Walked Away
"COLLEN, ano na naman 'yang ginagawa mo? Binilhan ka naming ng laptop para sa pag-aaral mo, hindi kung ano-ano ang inaatupag mo," napasimangot na lang si Collen nang biglang pumasok si Cora upang ilagay sa kuwarto niya ang mga bagong tuping damit niya.
"Pinag-aaral ka namin ng tatay mo para matapos mo ang kurso mo at makapagtrabaho ka, huwang kang magsasayang ng pera," dagdag na babala naman ito nang makaupo siya sa kama ni Collen at kinuha sa sahig ang mga damit niyang nakakalat.
"Oo na, Ma. Nag-re-review naman ako, eh. Tapusin ko lang 'to."
"Ano ba 'yan? Nagsusulat ka na naman? Eh 'di ba hindi ka naman binabayaran ng pinagsusulatan mong website? Hindi ka ba nadadala na nasasayang lang oras mo? Hay naku, ku 'di mo 'yan pagkakakitahan huwag ka na mag-sulat. Pa
