Lady’s Make Over
NAPADAAN si Collen sa tapat ng watsons nang makatapos itong magbayad ng bills sa bayad center. Napansin niyang mas marami ang tao ngayong araw doon. Hindi naman siya gaano’ng nagpupunta rito pero bigla niyang nahikayat ang sarili na pumasok.
Ang karamihan ng mga customers ay nasa makeup sections. Napatigil si Collen sa section ng Nichido. Mayro’ng inaayusan sa kasalukuyan ang sales lady nito. Mayro’n siyang nakikitang hindi pamilyar na mga bagay na pinapahid niya sa mukha ng babae.
“Miss ano ‘yan?” tanong niya sa katabi ng sales lady na may inaayusan.
“Primer po, Ma’am,” ngiting tugon naman nito.
“Para saan ‘yan? Lotion?” turo naman ni Collen sa bote na ipinakita ng sales lady.
“Para po safe ang mukha n’yo sa mga make ups na ginagamit n’yo, puwede rin po siyang
