اي اني ديم بنت مازن... بيبي هيه سمعت طاري مازن...كامت تبجي وشبكت البت حيل ...يمه ضناي، الفاكته وينه وليدي، يمه مازن وينك كامت تنوح وتلطم، البنيه حاولت تهديهه وهيه راكعه كدام رجليها.. وبيبي مجلبه بيهه... اني كل شي ما فهمت،منو مازن ومنو هاي بس خفت لا بيبي يصير بيهه شي.. اجت امي ونور يركضن على صوت بيبي... ام جبل متفاجئه:غزل شبيهه جدتج،ومنو هاي البنيه.. انخبصت ما اعرف شكول كمت امتمت:هيه، منا من الباب اجت ،وتكول بت مازن ام جبل: خايبه شبيج انثولتي.. راحت ام جبل لبيبي فكت البت منهه، وهيه تكلها:يمه، كافي لا يصير بيج شي، خل نفتهم من البت بيبي وهي تلطم: وليدي اريد وليدي...يمه مازن تعال لميمتك وهيه تركض للباب تريد تطلع... كمشناهه قبل ما توكع، ،سندتهه ديم واني سندتهه من الجهه الثانيه ... گالت عدهه سكر.. كتله اي، كالت بسرعه جيبي ابره انسولين،وحبايه مساعد سكر... راحت ركض اجيبهم .. رجعت لكيتهم جاطلين
