(عشك الجبل (الجزء الاول

عمي مازن

جبل:

بعد ما راحو المعازيم تقريبا ساعه 12 كفضنه كل شي...خطيه الولد ان*د حيلهم ... دخلو للبيت وياي فهد وجاسر من الصبح لهسه ممسلم على الحجيه وامي ..

اجاني اتصال من رقم غريب كتلهم دخلو واني هسه جاي ...

جاوبت ...الو

جاوبت وحده بدلع تحجي بلهفه ...

هلو حبيبي ..مشتاقتلك

گبيت بيه..

وج عار اني مو كايل متتصلين علي ..الا اريدج اني

اليوم اگلب البيت على راسج، منين جبتي رقمي

جاوبتني بخوف وتوسل ...

حبيبي والله اشتاقيتلك صار شهر مجايني ..اخذت رقمك من الحرس ...

انجبي لج لمي غراضج وطلعي من البيت ..انتي طالق يله ولي

كامت تبجي .. لا حبيبي فدوه والله ما عيدهه لطلقني ...

خليني خدامه فدوه ..لا

كتلهه بحده...اذا اجيت الصبح وشفتج بالبيت ..وربي موتج على ايدي ...سديت التليفون بوجهه

الجسره ادك عليه ...والحرس حسابهم عندي ...

اخذت نفس واذكرت لازم كبل خابرت ضابط عندي..

نعم سيدي...

حمزه ..اريدك تلكه مكان عايض ابن عمي ...

وتراقبه ويامن يلتقي ..ووين عايش وتنقلي اخباره اول باول

حاضر سيدي..

نهيت المكالمه ..وتن*دت بتعب ...

تعبت من المشاكل ..لو بيدي اترك كل شي،وارتاح لوحدي..

حصلت كل شي اريده بحياتي ...بس بعد احس شي ناقصني ...

استغفرت ربي ودخلت ...

اول مدخلت اتلكتي ام جبل

هله يمه هله ...بنضر عيني

بست راسهه ..هله برويحه الجنه ..

يمه وينك من الصبح وانه انطر اطل عليه وماكو ...

يمه مثل متشوفين..هسه يله فضت الوادم ..

دخلنه للهول ..جده نوعه من شافتنه ..

تعال يشيخ الشباب ...جنك ما نشدت عن جدتك ...

رحت يمهه ..كعدت علي ركبتي كدامهه كمشت اديهه وبوستهم..

نوعه قلبي..شلون ما مشتاكلج ..

قشمر عليه بجلامك المعسول ...

انتي نوعه شاغلت البال ...

ذيب ما ينكدرلك...

تعال هنا اكعد ...وهي تاشر للبصفهه...

الكل يباوع علينه ويضحك...

جدتي تحبني اكثر احفتدهه لان كل ما تشوفني تكلي اتذكر مازن بيك .. انته نسخه منه ..

مازن عمي الصغير من وعيت وجان اسمه من المحرمات ذكره بلبيت ..بأمر من جدي

جاسر: اكول الاخ ضارب عن الزواج...اثاري قلبي ملجوم بنوعه ..

فهد: اي ولك ..هذه ليكله يطيح وهو واكف ..

جده نوعه: انجب ولك جويسر ..صاير مثل الخروف وره غزيله...

جاسر ووجهه كام ميتفسر:جده غير مرتي..

نوعه:انجب ولك انجب لا هفك بهل عصه ...عبالك كبرت وخرفت وما عرفكم ...

فهد وهو خربان ضحك :والله ينوعه ..خوش،تقصفين ...

جده نوعه وهيه ترفع العوجيه ...فهيدان اكضب لسانك يلغبر

...

جبل:اسكت انت وياه ...هاي حبيتي محد يحاجيه..لتخلوهه تتعصب...

ما احس الا غزل حاضنتني ...

حضنته وبوستهه

...هله حبيبي غزوله ..

كعدت على رجلي واديهه على رقبتي ..مشتاقتلك كومات...

صدوك حبيبي اخويه الحلو ...

كتلهه بدينه بلواكه ..احجي من الاخير ..التلفون جبته الج ..

غزل باست خدي:فديت اليفهمني ...احم بس وينه تعرف تليفوني عطلان ويخربط ..يعني انته مترضه اختك حبيبتك تلفونهه قديم ...

جبل;ملعونه،يعني ممشتاقه الي بس علمود التليفون وبعدين تلفونج مو جبته الج بنزلتي ذيج ..شبسرعه صار قديم ..

علعموم..صعدو اغراضي للغرفه .. تلكي بجنطتي الصغيره ..

...فديت يا احلي جبل ..راحت تركض اتجيبه ..

دخل الوالد وجدي بس ابويه وجهه ميطمن ...

سلمو وكعدو ..

ضلينه نسولف بس بالي ويه ابويه يحجي وجنه مو ويانه ..

جابتلنه امي جايات شربنه وراها جدي صعد ينام وجدتي راحت وياه..

جاسر اخذ اهله وراح ...وفهد عنده شغل طلع ويا

ابوي صاحني وراح للاستقبال ..

شفت ابوي سد تلفونه ..خفت صاير شي

خيرك حجي ..خوما صاير شي ..

ابوي كال ..اكعد واني افهمك

بعد ما كعدت ..كول حجي

انته تعرف عمك مازن بلسويد

اي بويه...من سنين،بعد خلافه ويه جدي

اي يا جبل صار الوكت تعرف كل القصه

...عمك من راح يدرس ببغداد وجدك كله من ترجع تزوج بت عمك جان عمك العزيز عند ابوي مخلا شي بنفسه كل الي راده جان مطاع ...

المهم راح لبغداد يدرس..

حب وحده مناكه وحبته ...ما يكدر يفتح موضوعهه ويه جدك

لان جدك جان قافل على بت عمي ...

كام عمك ما ييجي لهنا. هواي حاول يتهرب شكد ميكدر...

عمك عنودي ولي براسه يسوي ...حبهه حب مخابيل ..

جنت اني الوحيد من اخواني الي اعرف ...

مره رحتله لبغداد بعد ما جدك بده يشك

تعرف جدك ذكي ..ما يفوت عليه شي ..

كلت بلكي الحك عليه قبل ما يدري جدك واقنعه يعوفهه..

رحت وعرفني عليهه الصراحه ..

لبنيه جانت شايله جمال فريد ..كلش حلوه واخلاق مبينه ...

اني شفتهه ..كلت مستحيل عمك يتركهه

وطلعو حته اهلهه يعرفون بحبهم ...

تعرف جانت عائلتهم عاداتهم تختلف عنه ..وعدهم الموضوع عادي..والد لبنيه جان قاضي جبير يعني عائله مرتبه ومعروفه ..

اتذكر بوكتهه كتله ..

مازن لازم تخلي حد لعلاقتك بيهه..لو تخبر ابوي

لو تتركهه..

مازن وتخبل من كتله تتركهه...جامعتك وراح تخلص شتكل لبوي..

علي تعرف شكد اعشكهه...وك صارت روحي

اموت وما عوفهه...اني مقرر من زمان افاتح ابوي بموضوع زواجنه اني ورونق ...

وصدق وره شهر اتخرج واجه للبصره ...

سوينه عزايم والعشاير كلهه اجت تبارك لجدي الي افتخر بعمك اول دكتور بلعشيره والكل فرحانه بي...

بلليله العزيمه عمي كاعد وابوي وشيوخ العشاير ابوي فتح موضوع خطبه عمك مازن بدون ميكله ...

اتخبل مازن لان ابوي حطه امام الامر الواقع وجبره ...

ما كدر يحجي وينزل راس ابوي كدام الشيوخ ...

قرو الفاتحه..

راحت الناس بعد ما حددو موعد العرس ...

مازن عارض ابوي الي جنه منو يكدر يوكف كباله ابوي وكله انه احب وحده وواعدهه بالزواج..

عمك مثل مكتلك عنيد ومحد يكدر يمشي كلمته عليه..

صدق مثل متكول جدتك ...انته نسخه عمك شكلا واطباعا...

ابوي كام وما كعد كله تريد ت**ر ابخت بت عمك ...

عمك مازن كله انه ما رايدهه ولا كايل عليهه انته الي ورطتني،بيه...

ابوي كله كلمه وما تصير اثنين لو تزوج بت عمك ..

لو تطلع من بيتي وانه متبري منك ..ليوم الدين ..

مازن بوكتهه انطه لبوي كل شي سيارته ومفاتيح بيوته والمحلات..وباس راس امي الي اتخبلت تحاول تقنعه وتغير رايه عاند واصر ....وراح

وجانت هاي اخير يوم نشوفه ...

جدك وكبريائه جان متصور انو عمك راح يبقه تحت جناحه ..

بس الصدمه جانت من ترك كل شي ...

بوكتهه ابوي ماحجه شي غير..

الي يجيب طاريه او يتواصل وياه ...يلكه نفس مصيره

ابوي يكابر على جرحه ويحاول ميبين وجعه...

حسيت ابوي بوقتهه ان**ر من صدك لاول مره اشوف التعب بين عليه ووره كم يوم انجلط جدك...مازن جان عزيزه وحبيبه اعز واحد اله...

لاول مره بحياتي اشوف دمعه جدك تنزل ...

امي بوكتهه زعلت وكلتهله اريد ابني رجعه ..

كله تريدن تشوفيه ...ورقتج توصلج وروحيله ..

ابوي زاد بقسوته قاطات ...

دورت على عمك ولاول مره ا**ر كلمه ابوي ...

اخويه وما اكدر اتركه ...

لكيته وحاولت اساعده بس عمك راسه يابس كال راح ابني نفسي،بنفسي..

عرفت بي مفاتح اهل لبنيه وكيللهم على كل شي...وكلهم هسه هو مازن وبس،وراح يبدي من الصفر ...

ابو لبنيه ادمي ...ساعده وزوجه بنته ...اتعين بمستشفئ وفتح عيادته الخاصه وصار دكتور معروف..

ومن صارت الحرب صار تهديد علدكاتره والشخصيات المعروفه ...اخذ زوجته وسافرو للسويد ...

استقر هناك ...وتوضف بمستشفئ،جبير ...

لكن الصدمه جانت بخبر وفاه زوجته ...اتوفت وهيه تولد بنته...

جان يتواصل وياي دائما ...وبصوره غير مباشره يسئل على ابوي .. بعده على عناده..

جنت اقنعه اكله تعال صالح ابوي شعندك بالغربه...

يكول ..مالي مكان بلديره الي انطردت منهه..

وفاه زوجته ...جان **ر بالنسبه اله ...

وقبل كم يوم خابرني ...وكال ام زوجته تريد تشوف بنته قبل متموت ...ولازم يرجع...وراح ييجي...

جبل:اي بويه الحمد لله لازم تفرح...اتحقق لتريده وعمي راح ييجي.ويصالح جدي

ابو جبل:اي مو هذه الخايف منه. جدك عصبي خصوصا بموضوع مازن وخاف ما يتحمل ويصير بي شي ..خاف ما يتقبله وذاك الثاني اعند بعد ويروح للغربه وما يرد نهائيا ...

جبل وهو يخلي ايده على جتف ابو: لا تشيل هم يبوي ...تره جدي مو قاسي وتلكاه هسه متلهف على شوفته اكثر من عمي ...عوف الموضوع علي يبو جبل وكوم نام وريح بالك...

الا صدق شوكت يوصل عمي ...

ابو جبل :كال حجزنه على نهايه الاسبوع ...

خير انشا يبوي ..يوصل بلسلامه ...

صعد ابوي ينام ...

ورحت اني اصعد هم ارتاح وبداخلي فضول اشوف عمي ..الي الكل يشبهني بي ...

فجا اشوف غزل جايه تركض من بره ووجهه احمر ...

صحت بيه غزل ..شتسوين بره بهل وكت ..ووجهج شبي مخطوف ...

انرعبت من شافتني ...

اخذت نفس وكالت ...احم..جنت اشتم هوه بلحديقه ..جان يطلعلي عتوي ...وكف قلبي واجيت اركض..

كتلهه وانه ممصدكهه..دفوتي وبعد ماكو طلعه بهل وكت افتهمتي ...

كالت بخوف...حاضر ..تصبح على خير ...وراحت ركض لغرفتهه...

هل بنيه شوكت تكبر ما اعرف...وذاكه الي حجي وياه العتوي

...

غزل ...

بعد ما طلعت من المطبخ واني مقهوره من جاسر ...

عباله بعدني اصدق بتمثيله مثل قبل...كل ما حاول اجذب الشفته بعيني ...يطلع موقف اكبر وياكدلي خيانته ...

لاكتني فرح تبتسم بخبث ...حاولت اخفي دموعي ..

كالت بخبث وهي مخوصره كدامي:بعدج لازكه اله...شكد ما عندج كرامه بابا افتهمي جاسر يحبني الي وبس ...

بعد شتريدين يسوي اكثر ويبن الج كرهه..عوفي يريدني الي

حاولت اتماسك وقاومت شكد ما اكدر دموعي لتنزل ...ولكم هذه حبيبي وعشكي اني شلون ي**ني كتلهه وحاولت اتصنع القوه:اذا هو هيج يحبج ...ويموت عليج مثل متكولين ليش كتل نفسه حته يتزوجني الي ..

ليش ما انزوجج الج ..وتعرفين جاسر محد يكدر يجبره على شي ...ولتعتقدين اني اصدكج بكل سهوله ...جاسر حبي من الطفوله اني وبس .. جاسر ملكي خليهه اهنا واني اضرب اصبعي براسهه...

فرح: اوكفي هنا وراح اثبتلج هو يغار عليه ويحبني...

عافتني وراحت للمطبخ...

ردت اتجاهلهه ..بس گلبي يحركني ما ريد اشوفهه يمه ...

رحت يم الباب جان اشوفهه لازمه ايده ...ويسولفون لهنا اني متحملت .. ركضت لغرفتي دموعي كامت تصب لوحدهه قفلتهه...

شكو شي كدامي **رته ...رحت لصوره كمت اشكك بيهن

واني تصيح حقير ..سافل..كعدت وراسي بين اركبي ...وكامشه صورته ..

وك احبك والله..ليش تسوي بيه هيج ...اذا تريدهه ليش خليتني احبك ...ليش كبرت عشگك بقلبي ...

ليش اخذت مني كل شي ...وبالاخير حته ماخذت رايي وتزوجتني ...تريده عوفني لتتحكم بيه ..

احس كلبي ان**ر .. صعبه هو بلنسبه اليه..ابويه وحبيبي واخويه وكل شي ..

معقوله استغفلتني هاي السنين كلهه...

اليوم كلهه بقيت نايمه بلكاع احس نفسي،انخذلت من اقرب شخص اليه...

نمت على وضعي،كعدت على صوت الباب تندك بقوه...

صحت وصوتي گوه يطلع ...منو

اني جنه شبيج غزل .. ليش قافله الباب ..

ما بيه شي،جنه شكو شتريدين ...

وسم نايمه الخانم واحنه نكرف جوه ...

ووجع جنه شكو...

سمو الاميره..اخوج شرف متريدين تشوفي ...

كتلهه واني اكوم بلكوه لان جسمي م**ر من نومه الكاع ...

هسه انزل روحي ...

باوعت لنفسي بلمرايه عيوني مورمه من البجي ..والكحل نازل...صايره جني اللعبه ...

كافي غزل اصحي .. مو انتي لوحده مثل هاي ت**رج .. غزل متعوده لتريده تاخذه...واشوف لو اني لو اني ...

عبالكم اكول انتي .. متعرفون غزل اذا رادت شي،تكون لو لا ...

رحت سبحت نشطت جسمي ...

اتذكرت عصبيته من دشداشتي ...كلت ما دام جنه موجوده جاسر يعني بعده...سهله

دشداشه نوم مو.. اصبرلي استاذ جاسر هسه حشوفك لبس النوم على اصوله ...

رحت للكنتور اباوع لملابسي ...ابتسمت بخبث ولبست

دشداشه حمره سبورت تركيه ضيكه علجسم وتبرز منحيات الجسم.ص*رهه شويه جبير...ومن الركبه بيه تاكه بلصفاح ....

رحت شسورت شعري خليته نازل لنهايه الخصر ...خليت مكياج خفيف ...بس طوخت الحمره ...

لبست حجل ...طلعت اخبل بدون مبالغه...

اعرف راح يتخبل وهذه الاريده ...

نزلت من الدرج اتلكتني جنه ونور فتحن عيونهه على وسعهم ...

صاحت جنه باعجاب ..وج شطالعه تريدين تخبلين اخوي ..

كلت اذا جنه كالت لعد اخوهه شيصير بي..

نور:ارحمي بلعبد الفقير ولج ...هسه يروح لجدتي ويصيخ مرتي واريدهه ...وياخذج ويطفر للغرفه ...

غزل وخدودهه صارت حمر: انجبن هو شلابسه عادي كل مره البسهه...يله ولن خل اروح اشوف اخوي حبيبي مشتاقتله ..

عفتهن ورحت واسمع نور تصيح ورايه..مشتاقه لاخرج موو لو لابن عم اخوج ...

عفتهه وجني ما سمعت ...

وكفت اباب الهول ...ماكو ايه مقريتهه ..

عبالك هاي اول مره اشوفه...

سميت ودخلت اول مدخلت اجت عيني بعينه...

فتح عيونه على كبرهم ...

اتجاهلته بالاصح اتهرب منه لان احس قلبي نبضاته تدك الف دقه ..قلبي طار طبول ..

رحت لجبل وضليت ابوس بي وادلع عليه ادري بي يموت ولا ابوس او ادلع على احد غيره حتى لو اخوي ...واشوفه عاصر ايده ووريده بارز وجهه احمر ...احس راح يكوم يكتلني كدامهم...كام ينافخ ...

...مخلي مندر بحضنه ...يمكن يتخيله اني لا المندر جعصه من ضغطه...

شفته فتح دكم دشداشته من يم ركبته ..واورده ركبته راح تنفجر من العصبيه...كلت ها هيه وصل حده..

خل افلت لا والله يكمشني اهنا ...اعرفه خبل ويسويهه..

طلعت بحجه اخذ الهديه...

رحت للمطبخ ...شربت بطل مي كامل ريكي نشف من الخوف...ادري اللعب وياه مثل واحد يلعب بلنار ..

ضلينه نسولف اني والبنات وفرحانه بتلفوني الجديد...

اجت امي كالت سون جاي ...سوينه ووراهه

دز جاسر عليهم يرحون ...

ولا طلعت من المطبخ ...خاف اشوفه اعرفه مراح يفوتهه..

بس،ما ريد هسه لان يمكن انفجر عليه ويصير شي، اني مو كده ولا حمله...

راحو بيت عمي ...

صعدت ارد انام دكت علي جنه استغربت هستوهم راحو ...

جاوبتهه كالت تعاي بسرعه نسيت العلاكه البيهه الغراض الجابهه جبل النه بلحديقه من جنه ننتضر جاسر ...

فهد راح ياخذهه بس روحي جيبيهه وانطيهيا...

كتله ميخالف...

نزلت للحديقه رحت وره البيت...ما حس الا ايد على حلكي وايد عصرت خصري ...

-----------