(عشك الجبل (الجزء الاول

ضرغام

جبل:

بعد ما وصلنه للناس ..اني بسيارتي وياي جدي وابوي ووياي سياره حمايتي وباقي الشباب بسياراتهم...

وصلته وستقبلونه استقبال حار ..رحبو بينه ولا كانو منه ابنه الغلط ..بعد ما كعدنه وقدمولنه الضيافه...

ابو احمد ...هله بلشيوخ نورتونه ..

الجد ..هله بيك يشيخ اتمنينه نشوفكم بضرف احسن من هذه ...

ابو ضرغام:لا تكول هل كلام يشيخ عايض ..تنورونه باي وكت

ابو جبل..اي والله يبوي .. شيخ. ابو احمد وشيخ ابو ضرغام ونعم منهم ومن اصلهم..

ابو احمد..احنا نبقه اخوان ..يخوي مهما صار

جاهل وغلط ..

شيخ جبل: ونعم منك ومن اصلك ..يبو احمد الي تأمر بي احنه حاضرين ..القصور منه مو منك

شيخ ابو احمد : لا ما مرجيه منك يشيخ جبل ..انته جبير وتبقه جبير وما يطلع القصور منك ..كلنه نتعلم من طيبك وكرمك وشجاعتك...بس شنسوي بهل جهال الي ما تعرف تصرف وتخرب الاول والتالي ..

شيخ جبل: من طيب اصلك ...بس والله من دريت ابنه عايل وياكم ...عزمت اجيك قبل ما خلي الزاد بحلكي ...

شانك وشان الاخوه جبير عدنه .. والبت بتنه ليمسهه يمس،عرضي

ابو ضرغام: مو غريبه عليك يشيخ ...وما تطلع الزله منك

ابو احمد: طايحه تحت مداسك ...يشيخ جيتك كافيه والله

واحنه هم الغلط من الولد اتسرعو وهدو علولد بدون علمي ...

لان السالفه متنحل بالسلاح ...احنه اخوه وما بينه انشا الله خلاف ...

الجد ...كلامك درر والله يشيخ ...من مات ابني المرحوم

اولاده صارو برقبتي ..بس هل فرخ هذه سابينه بمشاكله ..

ابو جبل ..انتم غاليين علينه واذا الولد غلط احنه نصحح غلطه مهما يكون ابن اخوي ...ونتشرف نطلب ايد بتكم

الجد:اي والله نتشرف بنسبكم ..

ابو احمد: النه الشرف يشيوخ البت بتكم ..كبع واخذ يشيخ..

جاسر يهمس الجبل ...

ادبسوو اكيد مراح ينطوهه لهل عار عايض ...اني رجال مزوج مبروك يشيخ

جبل وبنفس الهمس ..دنجب لك ..هاي لفهد يخطب

فهد ..لا والله مشكورين ابوي يعرف منو اريد ...اي مو جنه زينين يابه المن دخلت رون سايد ...

جبل ;

واحد من الشباب من اول مكعدنه اباوعله يباوع بغضب اكثر واحد معصب وضايج...

اشوفه يدردم والولد يسكتو ...

من حجه الشيخ ابوي فجا فز لحيله وصاح ...

بس عمي ابنهم العار كشف شوفنه ..

وانته تكول جاهل رجال

ضرب على ص*ره بحسره

..والله حرام يتسمه من الزلم...

وتريدون ننطي بتنه ..بت عمي الي واني ناهي عليهه

ابو احمد صاح بي ..ضرغام اكعد ..مالك حجي بعد حجي لشيوخ ...

بس عمي هذه عرضي ...وخسيس الي ينداس على عرضه ويسكت مثل الحرمه ...

عاط بي مره ثانيه الشيخ كتله عوفه ..

شيخ جبل:ما عاش الي يدنس عرضك يلشيخ ..تبقون اهل الشرف ...وهاي فزعتك ودمك الحامي على عرضك

اكبر دليل يلنشمي ...

اكعد .. اكعد العصبيه تضيع الحق..

ابو جبل:

كعد ابني وكول لتريده ...ماكو حق يضيع عدنه وعد الشيخ جبل ...

ابو احمد: عذروني يشيوخ شيخ ابو اسد نشمي وما يرضه على عرضه ..وهاي بت عمه غرضه ...ونسبكم يشرفنه بس البت لبن عمهه..

الجد: والنعم منك يبو اسد ..

ضرغام : تسلم يلشيخ...بس هذه حق والحق ما ينزعل منه

واعذروني على تسرعي ...اترخص منكم

وعاف المجلس وطلع ...

الوضع توتر بالديوان ...

شيخ جبل: خصم الحجي يشيوخ تره عرضكم عرضنه وذا مس شرفكم شي فمسنه اول...منريد نكدر الشيخ ضرغام وخاطره جبير....

عايض المنطقه ميدخلهه للموت واذا فكر يدخلهه موته على ايدي ...الا بكلمه الشيخ ضرغام ..ولا شتكول شيخ ابو احمد

ابو احمد:كفو منك يشيخ .. مالنه راي بعد رايك...

الجد: يله نترخص يشيخ ونتلاكه بالافراح انشا الله ...

ابو ضرغام: لا والله متروحون عشاكم عدنه ...

ابو جبل: دايمه يشيخ بس مسوين وليمه ...برجوع الشيخ جبل ..

ابو ضرغام: والله ما ن*دكم لوما الشيخ جبل ...بس تعيدوهه يشيخ احنه اهل وما تفرقنه انشا الله ...

الشيخ جبل ..انشا الله يبو ضرغام ..الايام جايه وتجمعنه الافراح انشا الله ..يله نترخص

------------غزل

بعد مخلصنه طبخ ...عدنه خدم بس للتنضيف والطبخ احنه نطبخ بلعزايم ..

بلمطبخ كاعدين نصب الاكل ببلامه عمتي سناء واني وجنه ونور ..وامي تخبز هيه ومرت عمي عامر (ابو جاسر) ...

وعمتي مها وفرح يسون الزلاطه ..وصايره هوسه

عمه سناء: اروح اشوفهن خلصن الخبز لولا ...هم يله نلحك

عمتي مها: سناء وياج وصي الولد على لبن .. وانتن همن اديجن الولد على جيه ..

نور وهيه تناوشني الجدر:عمه اشو اتاخرو بس لا اتعقدت

عمتي مها:اندري والله خل ولد ولا يتوب من المشاكل

فرح تلوى حلكهه ما عجبهه كلام عمتي:شبي عمه عايض ..حاله حال الشباب ..بس انتو ضالمينه وتتبلون عليه

عمتي مها :سكتي العوبه،عود هم تعرف تحجي مثل الشباب ..

وج هو كل بلوه يسويهه اعضم من القبلهه

..نسيتي سالفه الولد الراد يلزگه بينه..اثرمي عدل لا بهاي وهي. ترفع السجينه علي راسج

اشوف فرخ خنست. وكامت تبلعم

..

اني ونور كوه لزمنه نفسنه من الضحك

عمتي مها كلش عصبيه ..كلنه نخاف منهه تعتبر سلاح ذو حدين ..متعرف شوكت وياك وشوكت عليك

غزل اشاور نور: حيل غسلت شراعهه ...

نور: اي والله بردت قلبي ..صارهه ساعه تنفخ موتتني يختي ترفع الضغط ...

فرح تباوع علينه وتخوز بينه ...

ضليت اباوع عليهه و اضحك بخباثه على عنادهه ..انسانه حقوده...هدت البيدهه وراحت ...

ما حس الا بعمتي مها زاركتني بجفير على زندي :العصله تتمضحكين عليمن ..جنج خبله وحدج

افرك بزندي اذتني :اوي عمه وجعتيني ..

ووجعه انشا الله ..شمالج فاكه حلكج للهوه يلفاهيه ..

غزل برطمت واني اشوف نور تضحك من جوه لجوه : عمه يعني حرام اضحك ..يعني هم تعبانين نكرف من الصبح وهم حرام الضحك ..

وانتي انجبي لتتمضحكين ...

عمتي ومستمره بالرزاله :وج الفاهيه ..اتعلمي،وراج زواج

للرجل هم تكليله اوي او موي ...

ولو هو منو طلع عينج غير الاغبر ..غزالي وغزالي وهل طلعتي فاهيه ...

نور تشاور غزل: استلمي شيخلصج بعد

غزل وراح ادمع: عمه هسه هو شله دخل ..بعدين ليش كلبتي علي..

ام السان مو ..

كطع حجيه فهد وهو يدخل للمطبخ ...

هله بعمتي ..هله بنورنه

دنك وباس راسهه ..

عمه مها: هله هله بشيخ الشباب ...وحبيب عمته شونك عمه

فهد: بخير ما طول انتي بخير ..صدك عمه الشباب وصلو والناس بدت تجي همن اديجن...

مها وهي تحضر لماعين :ها هيه عنه خلصنه ..

صيح الولد ينكلون الاكل ..

غزل تحجي وعبالهه مسمعت ..اي فهد حبيب القلب ..واحنه النه بس الرزايل ..

مها: الفاهيه اشتغلي وانتي ساكته لا هقج بلجفجير ..يله لبسن حجابجن عدل الولد راح يجون ....

نور وهي تضحك بسكوت :وج سكتي كافي ..لا تنفشخين

غزل:انجبي ..والله الرزايل بس الغزل طاح حظي..

نور:الله واكبر وج انتي منو يكدر يحجي وياج ...غير يسبينه الوحش ..

شبيكم ياهو الجاي جاسر وجاسر ..ماله شغله بيه

كرصتني نور: نصي صوتج لا عمتي تسمعج ..

رحت لعرفتي اللبس شال جنت لابسه دشداشه سبورت مخصره على جسمي ..لبست شال وردي سويته ايراني علسريع..خاف اتاخر وعمتي تشويني ..وتتعشه بيه هيه وبيبي ..

دخلت للمطبخ لكيته صاير هوسه جنه ونور وعماتي وامي ونسوان عمي ...الولد كاعد ينكلون الاكل

ام جبل: يله غزل يمه ...عاوني البنات لتضلين صافنه

اخذت سله الخبز وجاي اناوشهه رفعت راسي ..

جان اشوف جاسر العيون صايره حمر وعاكد حواجبه وعاصر ايده...امده حظي

بقلبي خفت ...يمه شبي هذه

رفعتله السله وحاولت ما باوع عليه ..

اشو هذه ضال يباوع عليه وبخزر بيه ..احم اخذ الخبز

جر السله من اديه بقوه ...

شالها بايد..ردت ادور وجهي واشرد ما احس الا جارني بالايد الثانيه من زندي وراص عليهه بقوه ...قربني عليه

شهقت بتفاجئ اباوع عليهم كلهه ملتهيه ومحد منتبه علينه ...

همست شبيك جاسر وخر..

همس باذني وهو يزيد من عصر ايدي ...باعي ولج الج دقيقتين ..اذا ما رحتي ونزعتي دشداشه النوم هايه ..لا شكهه عليج والله ...

_________

بمكان ثاني ....

انته شلون تنهه على بت عمك ...

ليلى اليه ...بت عمي واني اوله بيهه

ضرغام بغضب ...

ابو ضرغام: انته مزوج ابني ..والبنيه بعدهه صغيره ليش ت**ر بختهه ..

ضرغام: الشرع حلل اربع ..وانته اكثر واحد تعرف يبوي جنت رايدهه من الاول ..ليلى حقي ..تعرف شنو حقي