Nasa dalawang taon na ding nawawala si Anna. Hinahanap nila ito sa mga ospital noon, para makahanap ng record, sa panganak nito, kung nakapanganak ba ito ng maayos. Pati mga lying-in ay hindi nila pinalampas. Maliliit mang clinic ay pinuntahan nila. Pero ang mga private investigator na inupahan nila ay walang makalap na impormasyon tungkol kay Anna.
Patuloy pa rin naman ang pagpapabalik balik ni Lucas sa bahay nina Anna. Doon man lang malaman niya na nasa maayos itong kalagayan. Kahit hindi niya alam kung nasaan ito.
Busy sa opisina si Diesel ng makatanggap ng tawag galing sa engineer at architect na siyang namamahala sa pagtatayo ng bagong branch nila ng mall sa San Diego. Maliit na probinsya lang ito. Pero nakikita niya ang potential ng lugar para patayuan ng mall. Lalo na at ang mall
