Valeen's POV
Nakarinig ako ng busina ng kotse habang inaayos ang mga pagkain sa mesa. Siguro ay sila Ma'am Candis na iyon. Sa wakas ay makikilala ko na ang kakambal ni Dave. Hindi ko maiwasang kabahan kahit na sinabi na ni ate Mimi na mabait iyon at malayong malayo sa ugali ni Dave.
Nagpunas ako ng kamay at tumuloy na sa sala para salubungin ang mga bagong dating. Nakita ko si ate Mimi na karga karga si Travis at sa tabi nito ay si Dave na parang tamad na tamad na nakapamulsa. Bahagyang sumilip ako at nakita ang isang lalaking naka dark blue stripe na long sleeve at black pants. Kamukhang kamukha ito ni Dave! Parehong pareho ang pangangatawan nila at ang tanging pinagkaiba lang ay ang buhok. May highlights ang bawat dulo ng buhok ni Vincent at ang kay Dave naman ay natural na kulay brown
