Sinundan ng mga mga mata ko si Lucas, kung paano siyang umalis sa harap ko para salubugin ang 'kaibigan' niyang dumating.
At naging marahan ang paglingon ko sa babaeng noon ko pa naririnig at sa malayo lamang nakikita. At nang makita ko siya nang malapitan, ngayon ko napagtanto na talaga palang napakaganda ni Elizabeth Cruz. Model na model ang dating. Maganda, makinis, maputi, matangkad, at higit sa lahat ay elegante.
Mula sa pwesto ko ay pinanuod ko kung paano siyang gawaran ng halik ni Lucas sa pisngi bilang pagbati, at kung paano tumugon si Elizabeth bago mabilis na lumayo. Kitang-kita ko rin kung paanong sumara at bumuka ang kamao ni Lucas na tila pinipigilan ang sariling hindi hawakan sa likod ang modelo.
"What brought you here, Lucas?" Tanong ni Elizabeth sa malumanay na boses,
