Napatutop sa bibig ang mga kamay ko. Napakabrutal ng pagkakapatay sa kapatid niya. Ginawa pa itong baboy at tinadtad na parang hayop. Nangilabot ako at mas lalon natakot para sa buhay ko.
"Apat na taon nang patay si Ate, pero hindi pa rin nahuhuli ang gumawa no'n.," may gigil na sabi nito. "Kaya ipinangako kong magpupulis ako at hahanapin ko ang may gawa no'n sa Ate ko. Manangot siya sa akin at sa batas."
"Wala pa ring clue kung sino ang may gawa?"
Umiling si Julian. "Wala. May hinala kaming may kapit ang may gawa ng kahayupang iyon, pero hindi naman namin maaaring basta na lang pagbintangan ang kung sino na lang nang walang ebidensya."
"Wala bang pinaghihinalaan ang ate mo noong nabubuhay pa siya?" muli kong tanong. "Baka may nakuwento siyang tao na may inggit, galit o interest sa kan
