"Hi, SPO2 Julian," bungad ng babaeng nasa mid-20's siguro. Nagpapa-cute pa ang babae, halata sa papungay ng mga mata. Tumingin sa akin pero umirap saka bumalik nang tingin kay Julian.
"Hello Helen, si Doc Minerva?" sagot ni Julian pero hindi ito gumanti ng ngiti. Buti nga.
"Nasa taas sa clinic po niya. Hinihintay na kayo. Diretso na lang kayo sa taas." Nag-alangan sa pag-ngiti sa akin.
Hinawakan ni Julian ang kamay ko saka ako inakay paakyat ng clinic ng psychiatrist. Ngayon lang ako makikipag-usap sa isang katulad niyang doctor. Connotation kasi ng ilang walang alam ay may sayad sa ulo ang nagpupunta sa kanila kaya nagpapa-check-up, which is wrong.
Kumatok si Julian sa malabong Glass door bago binuksan ang pinto. May mini-reception area sa bungad ng clinic. "Yes po, good afternoon,"
