“Hi.” Bungad ko kay Makie nang lumabas ito mula sa opisina ng doktor. Halos 45 minuto akong naghintay sa mga ito pero balewala lang ang minutong iyon kumpara sa limang taon ng pagdurusa ko.
“Ano ang ginagawa mo rito?” Malamig pa sa yelong tanong niya. Saglit lang niya akong pinadaanan ng tingin at ibinaling agad niya ang mga mata sa anak.
“C-can we talk?” Kinakabahan kong pakiusap. Nakita ko ang pagtatagis ng bagang niya.
“What for?” Masungit na sagot nito sa akin.
“I just want to ask you some things. Please?” Muli kong pakiusap.
“Ayokong makipag-usap sa’yo.” Walang gana nitong sambit. Para akong nasampal sa sinabi nito. Hindi ko ito masisi. Alam kong galit na galit ito sa akin.
“Mama, sino siya?” Tanong ng anak nito.
“Isang dating kakilala, anak.” Lumambing ang boses nito nang sagu
