Kalalapag lang ng eroplano sa oras na iyon, at heto nga si Kiah habang hawak ang dalang bagahe. Ngayon lang siya nakapag-commute nang mag-isa, at kung hindi dahil siguro sa kaniyang pagpupurisige ay hindi niya magagawa ang mga bagay na gaya nito.
"Maam! Sakay ka? Pakyaw?" boses ng isang driver sa may labas ng airport. Hindi man niya ito kilala ay sumang-ayon si Kiah sa pagkakataong iyon, mabait naman ang mukha nito. Medyo may edad na ang driver at medyo payat ang pangangatawan, kaya nagdadalawang-isip nga siyang ipakarga ang bagahe niya' lalo pang mabigat ito.
"Naku, 'tay, okey ra?" Pagbibisaya pa nito na siyang ikinatuwa ng matanda.
"Ay, bisaya jud diay ka dhay? tagna ko pa lagi!" (Ay bisaya ka talaga hija? Tama nga ako!) iyon ang sabi ng matanda na halatang nasisiyahan sa pagbibisaya
