“‘WAG diyan! May kiliti ako diyan, wag diyan! Popsie relax ka lang! May kiliti ako diyan… ayyayaw!”
Hindi magkamayaw ng kakatawa sila Iris habang kumakanta sila Alex at Trish. Sinasabayan pa ng dalawa ng maharot na sayaw. Kunwari ay susundutin ni Alex ang tagiliran ni Trish at iiwas naman ang huli. Bukod sa kanta na iyon ay puro mga mahaharot na awitin pa ang kinanta ng dalawa. Habang nag-iinuman ang mga kaibigan.
Dahil sa kanyang kondisyon, hindi uminom ng alak si Iris. Minsan lang siya uminom kapag may espesyal na okasyon gaya noong birthday ni Abby. Bawal na bawal sa gaya niya na may Diabetes ang alak. Kaya bihira lang siya uminom. Ngunit ngayon na narito na si River sa buhay niya, pinagbawalan na siya nitong uminom ng alak. Habang nagkakatuwaan silang magkakaibigan. Si River kasama
