“HI LOLA, kumusta na po kayo?” nakangiti na tanong ni Iris habang kausap sa phone ang abuela.
“Ay mabuti naman ako, apo. Ikaw? Kumusta ka naman?”
“Mabuti din po. Nandito kami ng mga kaibigan ko sa beach, Lola. Nagkayayaan dahil apat na araw walang pasok.”
“Siyanga? Mainam naman at nang mapahinga ka.”
“‘La, natanggap n’yo na ba ‘yong pinadala ko?”
“Oo. Kabibigay lang ng pinsan mo sa akin.”
“Huwag n’yo po kakalimutan na bumili ng gamot ninyo sa highblood. Saka huwag kayo masyado kumilos ng kumilos riyan, hayaan n’yo sila Art ang gumawa para sa inyo nang hindi kayo napapagod.”
“Huwag mo akong alalahanin dito at hindi naman nila ako pinapabayaan.”
Napangiti si Iris nang mula sa likod ay yumakap si River sa kanyang leeg pagkatapos ay hinalikan siya sa pisngi. Pinigilan niya ang
