UMANGAT ang tingin ni River nang bumukas ang pinto ng kuwarto at pumasok si Iris. Katatapos lang nitong maligo at nakatapis lang ito ng tuwalya. Naroon siya sa bahay nito para doon matulog. Mula nang magtabi sila sa pagtulog ay nahirapan na siyang matulog na wala ito. Kaya kapag wala ito doon sa penthouse niya ay siya ang dumadayo sa apartment nito makatabi lang ito sa pagtulog.
Sa halip na ipagpatuloy ang binabasa, sinundan lang niya ng tingin ang nobya. Nagtanggal ito nang tuwalya at literal na nagbihis sa kanyang harapan. He can still remember how shy she was, hindi ito halos makapagbihis sa harap niya. Ngayon ay kampante na ito.
Para sa kanya ay lalong nagiging sexy ang katawan nito. Unlike the first time they met, she was skinny. Ngunit nang magsimula silang mag-date, naging bilug
