CHAPTER 11
Tulad ng palasak nang dahilan, nangibang bansa si Echo dahil sa kahirapan. Nagsisipag-aral ang tatlong mga kapatid at siya na panganay ang tangi nilang pag- asa para makatapos. Hindi na kayanin ng kinikita niya sa pinapasukang hotel na tugunan ang pangangailangan nila kaya nagbakasakali siyang mangibang bansa na lamang. Nairaos niyang makatapos sa pag-aaral dahil sa tulong ng kaniyang ama na nakapagtrabaho bilang company driver sa Saudi ngunit mula ng nadisgrasya ito at pinauwing baldado, lahat ng klase ng paghihirap ay naranasan na ng kaniyang pamilya.
Nagsikap naman talaga siya na makapunta sa ibang bansa maliban sa Saudi kaya lang mailap talaga ang swerte. Hindi umaayon ang pagkakataon. Naghihintay lang lagi siya sa wala. Dahil sa patuloy ang kanilang paghihirap at nakat
