البارت الحادي وعشرون
ادم كان طالع على السلم يجري وهو ايده ورجله بتترعش كان قلبه حاسس ان الدكتور هيقول له ان مامته جرى لها حاجه واول ما وصل قال للدكتور .. خير يا دكتور في حاجه حصلت لماما ولا ايه
الدكتور : لا ما حصلش حاجه ما تقلقش ان شاء الله هتقوم بالسلامه كل الموضوع ان مامتك محتاجه حاجات مش موجوده هنا في المستشفى لازم تروح تشتريها لها وتيجي تدفع حساب المستشفى اللي فات لان الكشف نزل
ادم : ان شاء الله يا دكتور الدكتور طلع الروشته من جيبه وقال له .. تجيب لنا الحاجات دي قبل ما النهار يطلع لانها هتدخل عمليات الصبح
ادم : عمليات ايه
الدكتور : هنعمل لها منظار عشان نشوف الاجهزه بالضبط فيها ايه احسن يكون في حاجه خطيره تحتاج عمليه عشان ما نبقاش قصرنا معها
ادم : شوف ايه اللي لازم يا دكتور واعمله وانا بكره هتكون الفلوس عندك ادم دخل الاوضه وهو عمال يفكر هو هيدفع حساب المستشفى منين ويجيب الحاجات ا
