البارت الثاني عشر
اول ما الباب اتفتح .. ادم قلبه اتقبض وحاسس انه مش قادر يدخل جوه
ملك قالت له : مالك يا ادم يلا عشان تلحق تسافر ونحط الفلوس هنا عشان ما حدش يشوفها
ادم : مش عارف يا ملك حاسس ان في حاجه هتحصل ملك : ما تقلقش ان شاء الله ما فيش اي حاجه هتحصل يلا عشان نلحق ندخل الفلوس جوه السرداب قبل ما حد يشوفها لانها واضحه جدا عايز ومش معقول هنسيبها مرميه كده .. بدأوا انهم ياخدوا الفلوس من الاوضه ويودوها على السرداب .. استمر الموضوع اكثر من سبع ساعات وبعد ما خلصوا ادم ما كانش قادر يقف على رجله ..
ادم : انا ما كنتش عارف ان الموضوع متعب جدا
ملك : عشان الفلوس كتير جدا قعدنا كل الوقت ده نحطها جوه السرداب .. قفل ادم السرداب بالمفتاح
ايتن : نزلت من فوق وهي معها شنطه سفر بتاعتها قالت له انا ماشيه يا ادم هتيجي معي ولا لا
ادم : استني بس يا ايتن انا كده كده جاي معك عشان بابا تعبان جدا بس
