البارت السادس
فجاه الباب اتقفل بتاع السرداب من جوه و بقوا محبوسين جوه والدنيا ضلمه وما فيش اي نور .. وصلوا عند الباب وبداو يخبطوا جامد عشان ايتن تسمعهم وتفتح لهم الباب لكن هي ما كنتش سامعه اي حاجه خالص لانها كانت مستغرقه في النوم و كانت تعبانه جدا ومش حاسه باي حاجه ..
ملك : وبعدين يا ادم احنا هنفضل قاعدين هنا لغايه الصبح ويا عالم ايتن هتعرف احنا فين ولا لا و هي ممكن تمشي وتفتكر اننا نزلنا روحنا نجيب اي حاجه وتخاف تقعد في البيت لوحدها تقوم خارجه .
ادم : طيب وبعدين يا ملك ما فيش اي حل غير اننا نحاول نفتح التليفون بتاعك و نتصل بايتن .
ملك : بس انا مش معايا رقم ايتن يا ادم .
ادم : انا حافظ رقم ايتن حاولي انتي تفتحي التليفون بس وانا هاتكلم منه ..
ملك قعدت تحاول تفتح التليفون و ادم كان بيخبط على الباب وينادي بصوت عالي على ايتن لكن محاولاتهم هم الاثنين فشلت وتعبوا من كثر الوقفه قعدوا على ال
