السرداب الملعون

البارت الثالث

البارت الثالث

ادم اول ما فتح الباب لقي قدامه بيت مقفول من زمن بعيد .. والحيطه مليانه صور كثير قوي .. قعد يركز في الصور لقي صوره مامته وهي صغيره ولقى كمان صوره جده وجدته .. قعد يكح جامد بسبب التراب اللي مالي البيت وطلع عشان يتف*ج على باقي البيت اللي كان كبير جدا من كثر ما هو كبير تاه جواه ما بقاش عارف هو طلع فين ولا الباب بتاع الخروج منين .. قلبه كان مقبوض جدا لانه ما يعرفش هيقعد في البيت ده لوحده ازاي وكان بيفكر انه يسيب البيت ويرجع ثاني على بيت باباه ... لكن فضوله خلاه يقعد ويكمل .. دخل اول حاجه على اوضه جده كانت كبيره جدا وفيها سرير شكله قديم وغالي .. قعد يفكر انه لو باع بس السرير ده ساعتها هيكون معاه فلوس يقدر يصرف منها لان هو كان ظروفه صعبه جدا .. لكن افتكر كلام مامته لما قالت له ان جده عامل وصيه ان البيت ده ما يتباعش ولا اي حاجه فيه تتباع .. قعد يفكر ويقول يعني انا اسكن في بيت بملايين وانا اصلا معيش فلوس اكل منها .. لكن قرر انه ينفذ وصيه جده ويقعد في البيت لحد لما يشوف هيعمل ايه هيقدر يقعد في المكان ده ولا هيرجع ثاني على القريه اللي هو عايش فيها ... قعد يلف في البيت و وصل عنده غرفه المكتب بتاع جده وبص على الخزنه الكبيره اللي فيه .. وساعتها افتكر لما كان مع مامته من 11 سنه وهي فتحت الخزنه دي وكان جواها فلوس كثير وورقه قعدت تعيط لما قراتها .. قعد يحاول يفتح الخزنه لكن ما كانتش بتفتح لانه ما يعرفش ايه هو الرقم السري بتاعها .. قعد يقلب فيه الادراج والدواليب جوه المكتب لكن ملقاش اي حاجه خالص تفيده .. كلها عقود واوراق قديمه جدا .. خرج من غرفه المكتب وقعد يلف في البيت كله لحد تقريبا ما حفظ اماكن الاوض .. قرر انه ينظفوا عشان البيت كان مليان بخيوط العنكبوت وكان كله تراب ومش هيقدر يقعد فيه بالمنظر ده ولا هو معه فلوس يجيب احد ينظف له البيت .. قعد ينظف الاوضه الكبيره اللي هينام فيها لانه كان تعبان جدا ومش هيقدر ينام فيها وهي بالمنظر ده .. بعد ما اخلص تنظيف الاوضه قال ينام شويه بعد كده يقوم يكمل بقية تنظيف البيت .. واول ما حط دماغه على المخده ونام حلم انه في نفس البيت اللي هو نائم فيه وجده ظهر له بنفس الصوره اللي شافها متعلقه في مدخل البيت لكن هو كان خايف جدا منه لان حاسس انه مش حلم كان حاسس انها حقيقه ..

ادم : انت جدو بس ماما قالت لي انك ميت ..

جد ادم : ومين قال لك بقى اني عايش انا جيت بس عشان ارحب بيك واقول لك اني سعيد جدا انك جئت هنا بعد كل السنين دي كلها .. انت عارف اني بقى لي سنين كثير جدا مستنيك ..

ادم : و انت عاوز مني ايه دلوقت انا جئت عشان وصيتك لماما لكن مش عشان حاجه .. انا اصلا عمري ما شوفتك ولا اعرفك انت ليه ما كنتش بتسال عني .. جد ادم : غصب عني يا ادم مامتك هتبقى تقول لك انا ليه ما كنتش بسال عنك .. بس انت تعرف ان الوصيه بتاعتي ان البيت ده يبقى لك انت لوحدك .. شوف انا باحبك ازاي .. البيت ده جواه تحقيق احلامك كلها .. ادم : ازاي يعني وانت مانع اني ابيع البيت يعني انا دلوقت مش معايا اي فلوس ولا حاجه تحقق احلامي ازاي ..

جد ادم : هتعرف تحقق احلامك ازاي لما توصل للي عاوزك توصله ..

ادم : انت عاوزني اوصل لايه بالضبط .. فجاه جد ادم شاور له بيده ومشي بعيد بعد ما قعد يحاول ينادي عليه لكن هو ما ردش عليه و صحي من النوم مفزوع مش عارف هو كان يقصد ايه بالضبط .. ولا عاوز يوصل لي ايه بالظبط ..

ما حطش الكلام في دماغه خالص وقام عشان يكمل تنظيف البيت بص على الاوضه اللي كان نائم فيها بعدما ما نظفها و حس انها جميله جدا وشكلها باين ان بتاعه امراء وملوك ... قعد ينظف الدور اللي فوق كله بالغرف اللي فيه كلها اوض نوم .. تعب جدا اليوم ده لما خلص الدور اللي فوق بس .. وما قدرش ينزل تحت خالص ودخل ينام .. ثاني يوم الصبح اتصل بايتن صديقته المقربه لانه لقاها مكلماه كثير قوي على التليفون ..

ايتن : انت فين يا ادم من الصبح باكلمك مش بترد علي ليه .. شكل السفر ده غيرك من اول يوم بقى ..

ادم : غيرني ايه انا قاعد انظف البيت من اول ما جيت وانا ما قعدتش خالص ونمت من كثر التعب ما حستش بنفسي ..

ايتن : ليه هو البيت كبير قوي كده عشان قاعد كل ده تنظفوا ..

ادم : كبير جدا فوق ما انت تتخيلي .. انا كل ده لسه بنظف في الدور اللي فوق بس ولسه ما خلصتش الدور اللي تحت خالص .. مش عارف هاقعد في البيت الكبير ده ازاي وانا اصلا مش معي فلوس .. بس ماما رافضه فكره اننا نبيعه وناخد عشان نعيش في مستوى كويس .. و بتقول ان هي دي وصيه جدي الله يرحمه ولازم ننفذها وما اعرفش كان عامل الوصية دي بناء عن ايه وهو اصلا عارف ظروفنا هستفاد انا ايه ب البيت الكبير ده كله وانا اصلا مش معي اي فلوس .. والبيت من كثر ما هو كبير مخيف جدا بالنسبه لي .. ازاي هفضل قاعد في البيت ده كله لوحدي حتى لو بابا وماما جم قعدوا معايا هنعمل فيه ايه .. انا لازم اشوف شغل الاول جنب البيت هنا عشان اقدر اقول لهم يجوا يقعدوا معي .. لكن لو جم هنا احنا هنصرف منين ..

ايتن : شوقتيني جدا اني اشوف البيت اللي انت بتقول عليه ده ان شاء الله اول ما اخد اجازه هابقى انزل عندك تف*جني على البيت ده ..

ادم : طبعا يا ايتن هخليكي تتف*جي على البيت اول واحده في اصحابنا .. استاذن ادم من ايتن انه يقفل معها التليفون عشان يكمل تنظيف البيت ونزل على الدور اللي تحت .. بدء ينظف اوضه المكتب كلها وينظف الصاله الكبيره اللي كانت عباره عن ثلاث قطع كاملين كل قطعه مليانه بالاثاث الفخم اللي كان مغطيه التراب . بدأ ينظفوا ويشيل من عليه خيوط العنكبوت اللي معشش بقى له سنين وبعد حوالي سبع ساعات كان انتهي من تنظيف البيت بالكامل .. وكان جعان جدا وطبعا البيت ما فيهوش اي اكل خالص .. طلع بره عشان يدور على اي مكان يجيب منه اكل وبالفعل لقى مطعم قريب من البيت جاب منه الاكل ودخل عشان ياكل .. وهو قاعد ياكل لمح بعد باب البيت بشويه .. فيه باب صغير جدا مش باين وهو ما كانش يعرف ايه ده ولا عارف بيودي على فين .. فضوله خلاه يقوم ويسيب الاكل ويفتح الباب .. اتفتح معاه بكل سهوله .. وكان عباره عن سرداب كبير جدا مليان بالتحف .. قعد يفكر يا ترى ايه الحاجات الغريبه دي الي كانت عباره عن انتيكات و تحف قديمه جدا يقدر ثمنها ملايين زي البيت بالضبط .. قعد يفكر ويقول انه هياخد حاجه من الحاجات دي يبيعها .. لكن افتكر كلام مامته اللي كانت موصياه انه ما يبعش اي حاجه من اللي في البيت وهو مش متعود انه يكذب على مامته في اي حاجه خالص .. فقرر انه يحتفظ بالحاجات دي في البيت زي ما هي .. بدأ انه ينظف الحاجه كلها وشال باقي الاكل في الثلاجه لانه كان شبع .. نزل على السرداب وبدأ ينظف التحف اللي موجوده كلها والحاجات القديمه كان عباره عن ساعات قديمه وانتيكات .. لكن اللي لفت نظره صندوق خشبي قديم جدا محطوط عليه قفل و باين عليه انه جواه حاجه .. قعد يفكر انه ممكن يكون جواه حاجه قيمه يقدر يستفاد بها لكن حاول يفتح القفل مش عارف .. قعد يدور في كل مكان على المفتاح القفل بتاع الصندوق الخشبي لكن ملقهوش خالص في اي مكان في البيت .. لفت نظره العبارات الصينيه اللي كانت على الصندوق اكيد بتدل على مكان المفتاح بتاعه وربط الحلم اللي حلمه بجده بالصندوق ده لانه قال له ان احلامك كلها جوه البيت .. قعد يحاول يفك الرموز لكن ما عرفش يعمل اي حاجه لانه ما يعرفش حاجه عن اللغه الصينيه وجاء في دماغه انه يكلم ايتن صديقته لانها تدرس اللغه الصينيه في الجامعه .. مسك تليفون واتصل بايتن ..

ادم : ازيك يا ايتن انا محتاجك في حاجه ضروري ..

ايتن : خير يا ادم في ايه ..

ادم : في صندوق في البيت بتاع جدي وشكل جواه حاجه ليا .. كان مقفول بالقفل وكل الكتابه عليه باللغه الصينيه وانتي عارفه اني ما اعرفش اي حاجه عن اللغه الصينيه انا محتاجك انك تساعديني جدا .. تقدري تيجي وتساعديني ..

ايتن : ايوه طبعا يا ادم بس مش هاقدر اجي لك دلوقت يومين على الاقل عشان اكون رتبت نفسي وها حجز القطار واجي لك على طول .. وبعدين هيكون جواه ايه يعني الصندوق .. ما تدور على مفتاحه ..

ادم :قلبت البيت كله يا ايتن المفتاح مش موجود خالص كلمتك بعد ما يأست ..

ايتن : طيب سيب الصندوق دلوقت وانا لما اجي اقرا لك الكلام واساعدك اننا نفتحه ان شاء الله ..

ادم : شكرا لك يا ايتن انا هاستنى منك تليفون لما تكوني جهزتي نفسك .. قفل ادم مع ايتن و حط الصندوق مكانه وبعد ما خرج من السرداب طلع بره واقفل الباب ثانية وتفاجئ ان باب البيت بيخبط .. اتخض جدا لانه ما يعرفش اي احد في المكان ده فتح الباب لقي قدامه بنت جميله جدا ..

ادم : اهلا هو مين انتي ؟

ردت عليه البنت الجميله وقالت له : انا ملك انا ساكنه هنا من زمان جدا في البيت اللي قدامك على طول لكن كان لافت نظري البيت الكبير اللي انت قاعد فيه دلوقت ده .. مهجور من زمان قوي هو انت تبقي صاحب البيت ده .. وليه كنت سايبه كل السنين دي ..

ادم : في الحقيقه انا ابقى حفيد صاحب البيت وهو كتب لي البيت ده كله وانا لما سني بقى يسمح جيت هنا عشان اقعد في البيت وانفذ وصيته .. لكن انا من ساعه ما جيت وانا مش مرتاح هنا خالص لان البيت كبير جدا وانا مش هاقدر اقعد لوحدي ..

ملك : من وانا طفله صغيره وانا نفسي اعرف البيت ده شكله عامل ازاي من جوه لان كل البيوت اللي كانت حواليه اتهدت و بنوا عماير كبيره ما عدا البيت ده ما حدش يقدر يهدوا .. لانهم قالو صاحب البيت رافض الهدد ومش عاوز يبني مكان بيته اي مبنى ثاني .. عشان كده هو الوحيد اللي موجود في المكان بالشكل ده هو انا ممكن ادخل اتف*ج على البيت من جوه من سنين طويله وانا نفسي ادخل جوه البيت ده واشوف هو عامل ازاي من جوه ..

ادم : طبعا اتفضلي بس انا قاعد هنا لوحدي في البيت ..

ملك : وفيها ايه انت شكلك من القري والكلام ده عندكم ما ينفعش .. بس هنا العيشه في المدينه غير القريه عادي تقدر تستضفني عندك في البيت و استضيفك عندي احنا ما بنعملش حاجه غلط .. ممكن ادخل اتف*ج على البيت من جوه .

ادم : طبعا تفضلي دخلت ملك قعدت تتف*ج على البيت من جوه وكانت منبهره بجماله والتحف اللي جواه والعفش ال القديم اللي بيعتبر كانه اثار وقالت له : انت تعرف ان البيت ده لو تحول لمتحف هيبقى متحف حلو قوي ..

ادم : والله انا نفسي ابيعه اصلا عشان يبقى معي فلوس بس وصيه جدي ان البيت ده انا اعيش فيه وما سيبهوش طول حياتي .. مش عارف هاستفاد ايه لما اعيش في بيت زي ده ..

ملك : يا ريتني انا اللي عايشه جوه البيت ده .. ده انا مش هخرج منه خالص انا مش عارفه انت ازاي مش منبهر به ..

ادم : و هنبهر به ادليه وانا مش معي فلوس يعني هاقعد فيه اعمل ايه ..

ملك : ده كفايه بس انك تقعد كده هتتف*ج على التحف والانتيكات اللي موجوده هنا دي .. انت عاوز ايه ثاني من الدنيا ده انت وارث بيت ما فيش احد عنده زيه في المكان كله ..

ادم : انت جايه تنقي علي ولا ايه باقول لك عاوز ابيعه ومش هينفع ..

ملك : انت تعرف ان البيت ده يساوي ملايين كبيره جدا يعني لو فكرت بس بيع هتكون من الاغنياء ..

ادم : انا عارف الكلام ده كويس بس للاسف مش هينفع ابيعه واخالف كلام جدي الله يرحمه ..

ملك : عندك حق فعلا خلاص شوف شغل وبعد كده ابقى استقر في البيت ده .. المكان هيعجبك جدا وانا هاخدك اعرفك علي اصحابي ..

ادم : تشرفت جدا بمعرفتك يا ملك ..

ملك : انا هامشي بقى عشان انا جيت غلست عليك والوقت شكله تاخر ..

ادم : لا طبعا ولا يهمك .. ادم قام عشان يوصل ملك .. فتح الباب وهي مشيت وسلمت عليه وقفلوا .. فرح جدا ان في ناس من سنه وان ملك هي اللي جت بنفسها عشان تتكلم معاه .. كان تعبان جدا من الصبح وطلع فوق عشان ينام .. بس قبل ما ينام كان بيقفل الباب بتاع البيت بالمفتاح كويس وهو طالع فوق عشان ينام لمح حاجه خليته وقفوا اتسمر في مكانه

يتبع