SHANNERA
Napataas ang kilay niya nang hindi pa rin nakasagot sa kanya si Sir Ramm. Ang simple ng tanong niya, ngunit hindi man lang nito kayang sagutin? Gusto niyang matawa ng pagak. Ano pa ba ang maasahan niya sa boss niya, kung wala nga itong gusto sa kanya? Bakit ba niya nakalimutan na may mahal ito at hindi siya iyon. Bakit hindi na siya magtaka kay Sir Ramm? Bakit hindi na siya nasanay na wala itong pagtingin sa kanya at gusto lang nito ng laro lang?
Tinititigan niya ang mukha ng boss niya na hindi mapakali sa tanong niya. Kaya iniwas na lang niya ang kanyang paningin dito at itinuon niya lang ng pansin ang kanyang kabayong si Arian at hinahaplos niya ang ulo nito. She misses her horse. Matagal-tagal na rin kasi niyang hindi niya inaalagaan ang kabayo niya. Ngayon ay mas itutuon n
