NABIGLA AKO AT natuwa sa tinuran niya. Para bang nabawasan nang kaunti ang naramdaman kong selos kay Aleli. At least, hindi ba, ramdam ko na nagmamalasakit siya sa akin. Siguro kita niya ang pagod ko kanina noong sunduin niya ako. And then I realized... hala! Baka sobrang haggard ng face ko kanina. D*mn! Hindi bale, babawi na lang ako bukas. Dapat kahit lip gloss lang at mascara, kaakit-akit na ako. Partida na, hindi na ako magpapabango at baka mas gusto niya ’yong natural ang amoy. Sa hula ko rito kay Jethro, tipo niya ’yong mga simpleng babae lang. Ewan ko lang kung ano’ng nakita niya kay Karen!
Kumuha ako ng bihisan at nagtungo sa banyo. Tutal naman hindi ko na kailangang magligpit ng pinagkainan niya at maglinis sa kusina ay maliligo na ako. I took a quick shower at saka bumalik sa ku
