MABUTI NA LANG at nakasuot ako ng flat shoes. Hindi naman ako katangkaran sa limang talampakan at apat na pulgada ay hindi naman ako maituturing na bansot. Sinunod ko ang sabi ni Mang Carding at kinapitan ang bag ko. Tinanggal ko ang pera sa wallet at isang credit card. Nilagay ko ang credit card sa secret pocket ng LV purse ko at ang cash naman ay sa bulsa ko sa harap ng pantalon.
Tsk! Nakalimutan kong itanong kay Mang Carding kung magkano ang pamasahe sa jeep. Hayst! After one million years ay nakasakay din ako. Kalahating oras! Biruin mo ’yon? Naitulog ko na sana ’yon imbes na nangawit sa paghihintay sa pila.
Naglabas ako ng twenty pesos at iniabot ang bayad sa driver. Nandito ako sa likod niya nakapuwesto at ganoon na lang ang gulat ko nang bahagya niyang pisilin ang kamay ko at kum
