BUMABA na sila ng sasakyan, ang isipan pa rin ni Maya ay umiikot sa babaeng matanda na kaniyang nakausap. Hindi niya ba alam pero nawiwirduhan talaga siya. Maaaring nagpapatawa lang ito.
Hinawakan siya ni Blight sa kamay kaya napasunod na lang siya. Nang makapasok sa loob ay bumungad sa kanila ang tahimik na kalooban. Bakit naman napakatahimik?
"Mom, dad!" sigaw ni Blight.
May kakaiba siyang naramdaman. Hindi niya alam pero kakaibang-kakaiba talaga iyon. Na kung sa isang horror movie ay natatakot ang bida sa maaaring mangyari, siya ay ganoon din. Para talagang may mangyayaring hindi kaaya-aya. Nakaramdam tuloy siya ng takot.
Naramdaman na lang niyang binitawan ni Blight ang kamay niya at nagtatakbo ito pataas. Ganoon din ang ginawa niya. Nagtungo siya sa guest room at baka naroroon ang
