KIERA POV
"Mac, ikaw nga dito. Ipagluluto ko lang ng lugaw ang dalawang 'to,"sabi ni Nana at tumayo sa upuan nito sa tabi ng kamang kinahihigaan ni Amie.
"Nana,ayos na ho ako. Hindi na masakit ang tiyan ko,"kaagad na sabi ni Amie at mabilis na tinakpan ang nakabalandara nitong tiyan at umupo sa kama.
"Huwag kang makulit, Amie. Humiga ka riyan at ipagpahinga mo 'yang tiyan mo," sabi ni Nana na kaagad iginaya pahiga si Amie. Akmang babangon ulit si Amie ngunit kaagad na natigilan nang lumapit si Darren sa kanya.
"May sakit ka na nga, ang tigas pa rin ng ulo. Humiga ka na,"naiiling na sambit ni Darren at iginaya rin pahiga si Amie. Tumingin sa gawi ko si Amie na para bang humihingi nang tulong kaya ngumiti ako sa kanya.
"Sige na, magpahinga ka muna," nakangiting sambit ko kaya wa
