Kiera
"May paparating, maghanda kayo," medyo may kalakasan na bulong ng lalaking nasa unahan. Tila ba naalarma sila nang makita ang puting sasakyan na nagmula sa direksyon na pinanggalin ko at patungo ito sa direksyon ko. Napangiwi ako nang humigpit ang pagkakahawak ng dalawang lalaki sa magkabilang pulsuhan ko.
"Pare, anong gagawin natin?" tanong ng isang lalaki sa bandang kaliwa ko. Mababakas sa tinig nito ang takot at pag-aalinlangan.
Muling bumalik ang paningin ko sa puting sasakyan. Pakiramdam ko ay nabuhayan ako ng pag-asa sa pag- aakalang matutulungan ako nito kung sino man ang mga sakay niyon. Ngunit habang papalapit nang papalapit ang puting sasakyan sa gawi ko ay mas tumitindi rin ang takot na nararamdaman ko. Kinakabahan ako sa hindi ko maipaliwag na dahilan. Natatakot ako
