Kiera
"Ayos ka lang?" mahinang tanong ni boss habang hinahaplos pa rin ang likod ko.
"Ayos lang boss, bumalik ka na sa upuan mo," mahinang sagot ko na siniguradong kami lang ang makakarinig.
Nakangiti siyang bumalik sa kina-uupuan niya at muling kumain. Naiilang ako at hindi makakain ng maayos dahil ramdam ko ang mga matang nakatingin sa'kin. Nag-angat ako ng tingin at agad na nagtama ang aming mga mata.
"Boss, bakit parang ang ganda ng umaga mo ngayon?" nag-uusisang tanong ni Esha na dahilan upang mapaiwas ako ng tingin.
"Ang daldal mo, kumain ka na nga lang diyan," natatawang sagot ni boss kay Esha.
Mabilis kong tinapos ang pagkain ko upang makaalis na sa harapan ni boss. Ramdam ko ang paglaganap ng init sa pisngi ko at alam kong namumula na iyon.
"Kiera, tapos ka ng kumai
