“Handa ka na ba, mahal?” tanong ni Angelo sa asawang si Angela. Nasa labas sila ng bahay, sa may maliit na harding may maliit na kubo sila nakaupo. Tanaw ang napakagandang view ng lawa ng Taal.
Nagsusulat siya nang mga oras na iyon. Inaayos ang mga salitang tutugma sa kakantahin nilang dalawa. Si Angelo naman ay may hawa na tray ng juice at sandwich para sa kanilang meryenda. Minsanan lang naman kung uminom sila ng juice at walang alam si Maritoni nang mga sandaling iyon. Ayaw na ayaw kasi ng handler nila na uminom sila ng kahit anong juice maliban sa salabat at tubig lang. Baka raw masira ang kanilang mga boses.
“Malapit na mahal. Mukhang ikaw yata ang excited e. Salamat nga pala kahapon ha?” sagot nito at nginitian ang asawa. Hinalikan lang siya nito sa ulo at tiningnan ang sinusulat
