Daphne
Kinabukasan ay lulan na kami ngayon ng eroplano papuntang America at kasama rin namin si Ate Perlah. Habang nakatingin ako sa labas ng bintana ay napansin kong kauupo pa lang ni Zach ay agad na niyang ipinikit ang kanyang mga mata at natulog. Paano ba naman kasi diretso siyang walang tulog at kagabi ay naki-meeting pa siya sabay pagdating ng umaga ay dumiretso na kami rito sa airport. Ang kinuha niya ba namang oras ng flight namin ay alas sais kaya wala na talaga siyang time pa para magpahinga. Minsan ay naaawa na ako sa kanya dahil bakit ba kasi ayaw niyang magtrabaho sa umaga? Pinapatay niya ang sarili niya kapupuyat araw-araw.
Habang natutulog siya ay bigla na lang nag-slide ang ulo niya papunta sa aking balikat. Halos mapatalon ako sa gulat dahil mukhang hindi na niya namam
