Daphne
Nandito ako ngayon sa katapat na building ng gusali ni Vladimir at hinihintay kung lumabas si Nero. Siya ang kailangan kong sundan dahil siya lang ang magiging susi ko para malaman ko kung sino si Vladimir. Oras na malaman ko ay madali na lang sa akin ang malaman kung sino ang tumutulong kay Vladimir sa mga shipment niya. Habang nakatingin ako sa aking relo ay may dumating na isang kotse at lumabas doon si Nero. Pagtingin ko sa aking orasan ay alas nueve na ng umaga.
Hays. Matagal-tagal ang paghihintay ko nito at siguradong sasakit ang aking pwet kauupo sa aking motor. Kung pwede lang sanang gumamit ako ng kotse ay ginawa ko na para mas komportable ako pero masyado kasing malaki ang kotse lalo na kung emergency. Hindi ako agad makasisingit oras na gumamit ako ng kotse.
