الجزء الثاني

1157 Words

فى مكان تانى وبالاخص فى فيلا ريان نازلة امه من على السلم وهى متحمسة جدا وهى بطبيعتها متسرعة ومن الناس اللى بتحب المظاهر جدا والتكلف ودايما بتحب المبالغة فى اظهار كل حاجة بتحصل في حياتها ومقتنعه ان الفلوس والتكاليف والصرف الزايد هما اللى هيثبتوا للناس ان اصحاب المظاهر دى ناس اغنيا جدا ومن طبقة اجتماعية عالية نازلة على السلم وهى عماله تنادى على ابنها الاصغر تيم..ياتيم تيم.خير فى ايه الام.سمعت صوت عربيه برة انت اطفى كل الانوار واول مايدخل شغلها وانا هطلع قدامه اقوله مفاجأة شغلوا الاغانى هى كانت محضرة مفاجأة بسيطة لريان ابنها الكبير بمناسبة رجوعه من السفر بعد فترة طويلة شوية وكانت متحمسة جدا انها تقا**ه وبتتمنى انها تقدر تبهره بمفاجئتها الام.سوسن يا سوسن سوسن .ايوة يامدام الام.ها عارفه هتعملى ايه ؟ عارفة لو سألك هتردى تقولى ايه؟ سوسن.ايوة يامدام هقول ان المدام والاستاذ تيم مش موجودين الام.برافو عليكي يلا طفوا النور رن الجرس وفتحت سوسن واول ماشافت ريان فى وشها المدام والاستاذ تيم مش موجودين ريان.شكرا ياسوسن على استقبالك.الله يسلمك يارب دخل ريان فى الضلمة وطلعت امه واخوه قدامه فى الضلمة وهما معاهم زينه واوراق ملونة وفاجئوه وهما فرحانين برجوعه بالسلامه الام.حمد الله على سلامتك ياقلبى قولى انى عرفت افاجئك صح وحشتنى اد الدنيا ووحشتنى ريحتك وحضنك تيم.حمدالله على السلامة يا ريان وحشتنى ياريس البيت مضلم من غيرك ريان.حبيب قلبى انت كمان وحشتنى تيم.امك عاملالنا فرح علشان تعملك المفاجأة دى بتحضرلها من يوم ماعرفت انك راجع من السفر الام.عامل ايه ياحبيبى صحتك عاملة ايه طمنى عنك كنت مرتاح هناك ولا ايه ريان.الحمد لله يا امى ماشى الحال الام.الاوضة بتاعتك زى ماهى بالظبط زى ماسيبتها كأنك مغيبتش عنها يوم واحد كل يوم بخلى سوسن تدخل تنضفها ومحدش بيدخلها غيرى لما بتوحشنى بدخل احس بوجودك فيها ياحبيبى انت مش متخيل انا اد ايه فخورة بيك وفرحانه ان انت عرفت تختار عروسة تناسبك وتليق بيك وبعيلتنا انا مبسوطة اوى ب لانا ومتفائلة بدخولها عيلتنا بصراحة ياريان كنت خايفة ومرعوبة انك تعمل زى ابوك الله يرحمه وتسيبنا علشان واحدة من الشارع هو صح مش هتجوز عليه غير الرحمة بس انت كمان كنت هتعمل زيه بس الحمد لله ده ربنا ستر انى مشوفتهاش ولا حتى لمحتها لانى والله ساعتها ماكان هيكفينى فيها عمرها كله ريان.ماما خلاص الام.لا ماتقوليش خلاص انت لازم تكون عارف وفاهم ان فيه نوع كده من البنات مش بتدور غير على انها تعرف توقع عريس غني وابن ناس بس الحمد لله ربنا ستر والله ده انا اليوم ده .. (كانت هتكمل كلامها لكن ريان قاطعها) ريان.خلاص بقى قولت.الموضوع ده اتقفل ومن فضلك بلاش تفكرى تفتحيه مرة تانيه الام.ماشى ماشى ياريان خلاص انت هتقعد معانا لحد يوم الفرح صح ريان.لاء انا هقعد فى الاوتيل فى شغلى انتى عارفه نظام شغلنا مفيش فيه ليل من نهار الشغل طول الوقت وانا كمان عندى مواضيع كتير اوى لازم اخلصها فى الشغل قبل الفرح الام.بس يعنى لو تقعد معانا كام يوم ريان.ماما معلش سيبينى على راحتى انا ببلغك بس علشان يكون عندك علم وياريت بلاش نتكلم فى الموضوع ده تانى ها ياتيم انت عامل ايه بقى وحشتنى طمنى عليك وعلى احوالك تيم.وحشتنى اوى كنت مفتقدك ريان.وانا كمان افتقدتك ووحشتنى جدا وصلت اية وفرح البيت هما جيران وساكنين فى الشقق اللى قصاد بعضها اية.هروح اغير هدومى واجيلك جرى فرح.يلا بسرعه هعمل العشا دخلت فرح وقفلت الباب وراها وكان باباها واقف بيحط اكل للسمك فى الحوض الخاص بيه فرح.بابا الاب.ياروح بابا فرح.عندى ليك حتة خير هيطيرك من الفرحة الاب.طيب يلا قولي بسرعه فرحي قلبى ربنا يفرحك فرح.بنتك ياسيدى اترقيت فى الشغل الاب.لاء بجد.ياسلام ده احلى خبر سمعته هاتى حضن بقى وتستاهلى بوسة كبيرة فرح.لاء لاء يابابا ليه دموعك الغاليه دى يعنى هو ده خبر يخليك تعيط الاب.افتكرت امك يافرح الله يرحمها لو كنت معانا وسمعت خبر زى النهاردة كان زمانها بتوزع شربات على الشارع كله انا فخور بيكى اوى يابنتى فرح.يابابا الكلام ده تقوله لو احنا مش دايما حاسين انها معانا وحوالينا وفى قلوبنا عايشة هى اكيد كمان حاسة بينا وفرحانه معانا دلوقتى الاب.ياريت يا فرح كانت معانا علشان تشوف اد ايه بنتها بقيت شبهها واد ايه ناجحه وتملى العين والقلب فرح.حبيبى انت يابابا انا على فكرة اعمل حسابك هفضل قاعدة على قلبك العمر كله الاب.وانتى كمان لازم تبقى فاهمة انى علطول جنبك وعمرى ماهقبل ولا هسمح لأى حد فى الدنيا انه يجرحك مرة تانيه ااااه كل ما بفتكر الندل الواطى ده بحس ان الدم هيطلع من دماغى بتعصب ودمى بيتحرق وبتنرفذ بصى بحس ان جسمى بيتنفض من الغيظ والغل ااااه لو اشوفه قدامى دلوقتى ده انا اسلخ جلده من على عضمه ه**ر نفوخه واقطع من جتته حتت حتت فرح.اهدا اهدا يابابا اهدا قلبك تعبان انت مش مستحمل قولى بس الاول انت اخدت الدوا بتاعك الاب.مش عايز اشوف دموعك دى بتنزل على اى حاجة فى الدنيا كل حاجة فى الدنيا حطيها تحت رجليكي ومتعمليش قيمة غير لنفسك وبس فاهمه اوعى محدش فى الدنيا كلها يستاهل دمعه من عنيكي الحلوة دى فرح.يابابا اهدا بس علشان خاطرى شوف وشك بان عليه الاجهاد ازاى متقلقش لا هتنزل دمعه ولا دمعتين انت بس اللى قولى ايه اخبار الاكل النهاردة الاب,خلاص ياستى انا هقلى البيض فرح.وانا هعملك الشاى ياروح قلبى دخل ريان اوضته ووقف يتف*ج عليها وفتح درج من الادراج وابتدا يبص على حاجة كان شايلها جواه وهو سرحان بس قطع السرحان بتاعه دخول تيم الاوضة تيم.ايييه واقف تفكر فى ذكرياتك ريان.يعنى تيم.وايه اكتر حاجه بتفتكرها ريان.تيم الموضوع ده اتقفل من زمان تيم.بجد ياريان انت كويس ريان.انت ايه رأيك شايف ايه تيم.شايفك بتكمل حياتك ريان.صح عندك حق بكمل حياتى برافو عليك مخك بيشتغل اهو وقت ما بتحب تشغله تيم.بس بجد ياريان مش بتفكر ابدا لو فضلت قاعد هنا بعد اللى حصل كانت حياتك هيحصل فيها ايه؟ ريان.لاء بصراحة مفكرتش كل اللى اعرفه ان احسن حاجة انا عملتها هى انى مشيت من هنا ده كان اريح للكل وبعدين انا مكانش فى ايدي اى حل تانى غير انى امشى فى اوضة فرح واقفه قدام مرايتها بتمسح الميك اب اللى على وشها وقاعدة وراها على السرير صاحبتها اية فرح.شكرا اية اية.العفو,بس على ايه بقى فرح.على كل حاجة كل اللى انا فيه ده انتى السبب فيه بعد ربنا اية.ايه يابنتى الهبل ده ده نشاطك انتى واجتهادك وشغلك انتى تستاهلى النجاح ده فرح.فاكرة يا اية الحالة اللى انا كنت واصله لها بسبب الحقير الواطى ده اية.ايه بس اللى جاب السيرة دى دلوقتى فرح,اية انا كنت بموت فى الوقت ده كنت ميته فعلا لكن بتنفس مش اكتر كنت واثقة من انى مش هعرف ارجع لحياتى ولا اعيش زى اى حد طبيعى تانى مكنتش متخيلة انى هرجع احس انى مبسوطة الا لما انتى وقفتى قصادى وقررتى انك تخلينى بالعافية ابداء حياتى من جديد وانزل اشتغل واتجاوز كل اللى حصل فى حياتى ودمرها انا من غيرك اكيد كنت زمانى ضايعة وقاعدة على نفس السرير ده بلعن الحظ وبندم على اللى فات اية.خلاص بقى يافرح بلاش الكلام ده مالهوش لازمة فرح انتى وعمو صلاح اهلى يعنى انتى مش مجرد جارتى ولا صاحبتى انتى اختى واللى عملته معاكى ده حقك عليا ودى كمان اقل حاجة كان ممكن اقدر اعملها معاكى فى الوقت ده انا بقى بالنسة ل اللى وصلتيله ده ف ده مجهودك وتفانيكي فى شغلك ولا انا ولا غيري لينا علاقة بيه نهائيا ده رد فعلا على اجتهادك يافرح وانتى بتستاهلى ده لأن انتى تعبتى لحد ماوصلتى وممكن بقى تتبسطى علشان هتخلينى اعيط بسبب الكلام المؤثر ده

Free reading for new users

Scan code to download app

App Store Google Play

Facebookexpand_more