ANG laki na ng ipinagbago ni Alfred. Hindi na ito patpatin nang huli itong makita ni Brianna. Mukhang nahasa na ito sa training na katulad ni Bradley dahil sa matikas at matatag na dibdib at pangangatawan nito. Maging ang medyo kulot nitong buhok ay pinutol na nito na dati ay mahaba at ipinupusod lang. Hindi na makita ni Brianna ang palangiti at palabirong si Alfy. Mas tumangkad pa yata ito, halos umabot na sa tangkad ni Bradley. Hindi na rin nito suot ang bilugang salamin na dati-rati'y panukso niya bilang dork. He's not the young cheerful Alfred anymore.
At si Bradley naman, mas naging matapang at seryoso na ang mukha, halos maihahalintulad na sa daddy nila. Maging ang mga mata nito'y nakakatakot titigan, parang kayang-kayang manuot ng isip kahit kanino. Mas lalo pang naging matatag ang
