Harper
Pagkatapos naming mag-usap ni Sir Allan ay dali-dali akong bumalik sa aking kwarto at agad na napasandal sa aking pinto pagkasara ko nito. Pinakiramdaman ko ang aking puso at sobrang bilis ng t***k nito. Naglakad ako papunta sa aking banyo at tinignan ko ang aking mukha sa salamin. Napahawak ako sa aking pisngi dahil pulang-pula ang aking mukha na para bang na-sunburn ako.
Binuksan ko ang faucet sabay naghilamos at huminga ng ilang beses. Naalala ko ang ginawa ni Sir Allan kanina na kulang na lang ay maghalikan na kami. Kanina ay literal na akong hihimatayin sa sobrang lapit ng kanyang mukha sa akin. Kung sakali kayang hindi ko inagaw ang kanyang atensyon ay natuloy kaya ang halikan namin? Nagpalabas ako ng hangin sabay pinunasan ng tuwalya ang aking mukha pagkatapos ay tum
