Harper
Hindi ko alam na sobrang layo pala ng Rome mula sa Milan. Grabe kinailangan pa naming sumakay ng eroplano para lang doon. Buti na lang ay may sariling eroplano ang OA kaya iyon ang ginamit namin papunta ng Rome. Mahigit isang oras din ang byahe namin papunta sa lugar na ito. Pagdating namin ay alas-dos na ng hapon. Alam kong kumakalam na ang aking sikmura pero hindi ko na lang ito ipinahalata kay Sir Allan. Paglabas namin ng airport ay may isang puting limo naman ang naghihintay sa amin pero sa pagkakataong ito ay mukhang kilala ni Sir Allan ang driver.
“Welcome in Rome, signore and signora,” bati sa amin ng driver.
“Ciao Gustavo,” sagot naman ni Sir Allan na ang ibig sabihin nito ay hello. “Stanno già aspettando al ristorante?” (Are they already waiting at the restauran
