Lahat kami ay narito pa rin sa hospital at hinihintay na dalhin ang anak ni Abby dito sa silid niya. At si Abby naman ay nanatili pa ring tulog.
“Mabuti naman at nakaraos na si Abby,” pahayag ko habang inaayos ko ang mga prutas na binili nina Carlo at Joyce nang umalis sila kanina.
“Oo nga, eh! Ngayon ang pagpapalaki naman sa bata ang haharapin niya,’’ tugon sa akin ni Lorraine.
Tama si Lorraine ang pagpapalaki naman sa bata ang haharapin ni Abby. Pero siguro naman ay babalik na rin si Charles.
Habang nag-aayos ako ng mga prutas ay magkakaumpok naman ang magkakaibigan at parang may pinag-uusapan na napaka-importanteng bagay na hindi namin p’wedeng marinig dahil nagbubulungan lang sila.
Habang abala kami ay nagising na si Abby at napansin agad siya ni Lorraine.
“Mga sis, gising na si
