Nag-aabang na si Rania sa labas ng bahay para sa pagdating ni Zach. Kanina lang kasi ay tumawag ito na nasa Cagayan de Oro na ito. Ilang oras nalang at darating na si Zach kaya nakaabang siya sa labas ng bahay nila.
Hindi rin mapuknat ang ngiti sa labi ni Rania habang nakatingin sa daan. Excited na talaga siya. At hindi niya alam kung bakit ganun nalang siya ka-excited. Hindi naman siya ganito noon.
"Ang init-init dito Rania. Bakit ka ba nakatambay dito sa labas?" Si ate Daffney ng mapansin siyang nakaupo sa labas ng bahay.
"Hindi naman po mainit ate. May hinihintay lang kasi ako." Nakangiting sagot ni Rania sa huli.
Umupo si ate Daffney sa tabi ni Rania at pinagmasdan din ang paligid.
"Sino naman ang hinihintay mo dito Rania? Manliligaw mo?" Panunukso ni ate Daffney kay Rania ngunit
