Anong oras na nagising si Lucille, malapit nang mag tanghalian dahil sa pagod na naranasan niya kaka libot sa mall kahapon, napag pasyahan ng dalaga na maligo na muna at mag bihis bago bumaba sa sala para puntahan ang mga kapatid niya.
Pagkatapos maligo at mag ayos ng dalaga ay kinuha na niya ang mga paper bag na nasa kwarto niya at bumaba na sa sala.
Nakita niya ang mga kapatid na nasa sala habang nilalaro nila si Zyran.
“Ate, kain kana. May pagkain na sa kusina” sambit ni Astrella, tumango si Lucille at nilapag ang mga paper bag.
“Ano ’yan ate? nag panic buying ka?” nag tatakhang tanong ni Astrella habang si Raiden ay tahimik lang sa isang sulok, katabi si Darcie.
“Hindi, para sainyo ’to” sambit ni Lucille at dumukot ng mga paper bag at binasa ang pangalan, para siyang si Santa
