Hindi pa man tuluyang nakakapag-park ang sasakyan nina Letti ay ramdam na ramdam na namin ang pagiging buhay at masigla ng gabi. Marami na rin akong natanaw na mga schoolmates namin sa labas ng pub.
Hindi na ako nagtaka na maraming imbitado dahil sa aming magkakabarkada ay si Conrad ang may pinakamadaming kaibigan. Bawat department yata ay may kilala ang lalaki at sa tuwing may gimik kami ay hindi s’ya nawawalan ng kakilala.
Pagka-park namin ay kaagad kaming bumaba nina Letti. Naghagikhikan pa kami nang kaagad naming masamyo ang malamig na hangin. Madami ring estudyante na bumati sa amin at ang ilan pa nga ay hindi ko kilala.
Magkakahawak-kamay naming tinungo ang direksyon ng pub.
"Gabriella, my girl!" Sinalubong kami ni Conrad nang makita kami.
Nakipag-beso sa amin ang lalaki at sinu
