Nakakunot ang noong pinakikinggan ko ang sinasabi ni Mr. Damayo sa intercom. Dalawang beses n'ya lang iyon inulit kaya medyo hindi ko naintindihan.
"Ano raw?" tanong ko kina Sab.
Kaming tatlo na lang ulit ang magkakasama. Nagkasundo ang mga lalaking pumunta sa field para manood ng laro ng volleyball. Nagpaiwan naman kaming tatlo dahil mabo-bored lang kami kung sasama kami sa kanila at manonood.
"Lahat daw ng miyembro ng Student Council ay ipinapatawag sa office ni Mr. Damayo," ulit ni Letti sa sinabi ng professor sa intercom.
"At kasama ka roon," dagdag naman ni Sab at ngumisi pa sa akin. "Mula ngayon ay magiging isa ka nang ulirang miyembro ng Student Council.”
Napanguso na lang ako. Lagi ko talagang nakakalimutang miyembro na nga pala ako ng Student Council.
Nangalumbaba ako. “Pup
