إختفاء
البارت الثالث
بقلم / غادة سعيد
اول ما كشفوا الغطا زينه انهارت من العياط وبصت عالجثه مكنش باين منها اي ملامح الميه خفت الملامح خالص . . . . .
ومفبش اي حاجه ظاهرة بدأ جسمها يترعش وكانت هتقع من طولها راح شريف ماسكها ب ايده . . . . .
_ ايه يا زينه هو ولا مش هو . . . .
= لا مش هو ده مش اخويا بس المنظر صعب اوي انا معرفش بس إحساسي بيقولي انه مش هو و يارب يكون إحساسي صح . . . . . لو طلع هو وماما شافت الجثه بالمنظر ده هتروح فيها خالص ومش هنعرف نعمل حاجه . . .
_ تعالي نطلع نقعد بره شويه لحد ما نتيجه التحليل تظهر في كافيه قريب من المستشفي تعالي نشرب قهوة . . . .
خرجوا بره لحد ما نتيجه التحليل تظهر دخل كافيه قعدو هما الاتنين . . . .
_ هاا تشربي ايه بقي . . . . .
= لا ولا اي حاجه والله صدقني مش هقدر اشرب انا قاعدة علي اعصابي ومش هقدر حاجه تنزل في بطني . . . .
_ انا مش هضغط عليكي بس انتي لازم تاكلي عشان تقفي علي رجلك وتقدري تلاقي اخوكي . . . . .
= انا عاملة زي الي غرقان ومش عارف يعمل ايه امي ست كبيرة وتعبانه و زين هو الي كان بيعملنا كل حاجه انا عمري ما عملت حاجه خالص ولا اشتريت طلبات للبيت انا مش عارفه اعمل حاجه من غير زين وشايلة حمل تقيل اوي لوحدي . . . .
_ كل حاجه هتتحسن متقلقيش . . .
= مخبيش عليك انا عندي امل الاقيه بس حاسه بقبضه في قلبي وقلبي حاسس ان فيه حاجه حصلت بس مش متخيله مين الي ممكن يأذي زين . . . . .
فجأه تليفون شريف رن . . . .
_ ايوة يا حضرة الظابط معاك الدكتور محمد من قسم تحليل الحمض النووي قالولي اتصل بيك عشان ابلغك ان الحمض النووي بتاع الجثه مش مطابق مع البنت الي جت . . . .
= طيب شكرا ليك جدا . . . .
_ قالك ايه . . .
= زي ما توقعتي مش هو فعلا . . . .
_ هو انا مش هعرف اخويا حتي لو ملامحه مختفيه هعرفه طبعا دا اخويا و عشرة عمري يا حضرة الظابط .. . . . .
خرجوا من الكافيه وجت معاه لحد القسم . . .
_ انا همشي بقي اشوف هعمل ايه هكمل تدوير في باقي الاقسام والمستشفيات يمكن اوصل ل حاجه مش هينفع اروح ل ماما ايد ورا و ايد قدام كده لازم احاول النهارده ادور في اماكن كتير علي اد ما اقدر . . . .
= طيب والله انا لولا الشغل بتاعي كان زماني جيت معاكي بس اعذريني مش فاضي خالص . . . . .
_ انا بصراحة مش عارفه اشكرك ازاي علي وقفتك جنبي ربنا يبارك في حضرتك ويجعل كل الناس زيك . . . .
= شكرا ليكي يا زينه انا هروح اشوف شغلي و لو فيه اي حاجه كلميني هتلاقيني عندك في ثانيه . . . .
_ حاضر اكيد لو فيه حاجه هكلمك طبعا . . . .
طلع شريف علي شغله وهي قعدت تلف دخلت مستشفي تانيه بعيدة وابتدت تسأل وتوري صورة زين للي واقف هناك . . . . . .
_ لو سمحت مفيش حد جالكم من يومين كده شبه ده . . . . .
= انا مش عارف حقيقي بس ممكن تطلعي تسألي فوق هيقولولك . . .احنا كل يوم بيجلنا اشكال و الوان اكيد مش هفتكر شكل كل واحد كان عامل ازاي . . . . .
طلعت زينه علي فوق و قعدت تسأل وتدور و فالنهاية مفيش اي فايده خالص ملقتهوش نزلت تحت وهي خلاص فاقدة الامل انها تلاقيه وفجأه تليفونها رن شريف اتصل بيها . . . . .
_ ايوة يا حضرة الظابط . . . .
= ايوة يا زينه . . . . انتي فين كده . .
_ انا في مستشفي الجزيرة كنت بسأل علي زين هناك لكن مفيش فايدة خالص . . . . .
= طيب تعالي دلوقتي انا وصلت ل حاجه ممكن توصلنا ل زين متتأخريش ولا اقولك انا هاجيلك انا احنا كده كده هنمشي من نفس الطريق الي انتي فيه . . . . .
_ بجد والنبي عرفت ايه وشوفته ولا لا . . . .
= انا لحد دلوقتي بقول مجرد شك لما نروح هنعرف بنفسنا . . .
خليكي انتي واقفه مستنيه عندك ونص ساعه وهكون قدامك . . . . قفل التليفون و زينه كان كلها أمل انها تلاقي اخوها فضلت واقفه علي رجليها مستنياه يجي . . . وهي واقفه تليفونها رن . . . مامتها بتتصل . . .
_ ايوة يا زينه ايوة يا بنتي ملاقيتيش اخوكي . . .
= والله يا ماما انا بدور في كل مكان وإن شاء الله خير وحضرة الظابط مطمني انه مجرالهوش حاجه ادعي ارجع النهاردة وانا لقياه . . . .
_ يارب يا بنتي تلاقي اخوكي انا قلبي مش متطمن علي زين انا لو اخوكي جراله حاجه هيجرالي وراه . . . .
= متقوليش كده يا ماما إن شاء الله هيبقي كويس و بخير وهنلاقيه . . . . انا لازم اقفل دلوقتي عشان حضرة الظابط جالي و رايحين ندور في مكان تاني خدي بالك من نفسك و خدي علاجك ب انتظام و ان شاء الله خير يا ماما . . . . .
_ ماشي يا بنتي ربنا يوفقك يارب ويوقفلك ولاد الحلال . . . .
قفلت زينه مع مامتها و ركبت العربية مع شريف . . . . .
_ خير يا حضرة الظابط طمني وصلت ل ايه . . .
= في واحد صاحبي كلمني وبيقولي انه من يومين جالهم واحد اعتقلوه كان قاعد مع خليه إرهابيه بس الولد رافض يقول إسمه خالص و مكنش معاه بطاقه ساعتها فانا شاكك انه يكون زين خصوصا انه شكله يدي نفس السن تقريبا هو مبعتليش صورته بس هو مجرد شك عندي . . . . .
_ اعتقال ايه وخلية إرهابيه ايه الي بتقول عليها زين ملوش فالكلام ده خالص ولا ليه علاقه بالمواضيع دي . .
= هو ممكن ميكنش ليه علاقه بس ممكن يكون قاعد مع ناس ليهم علاقه بالمواضيع دي حتي لو مش عارف هو كده كده هيتاخد معاهم . . .. .
و ممكن يكون ده مجرد شك مش اكتر والولد ميطلعش زين بس انا قولت نروح زياده تأكيد يعني . . . . .
احنا وصلنا عند القسم اهو يلا انزلي و دلوقتي نعرف . . . .
نزلت زينه معاه و دخلوا علي رئيس المباحث علي طول . . .
_ شريف باشا ازيك يعني مبنشوفكش بس غير وقت القواضي مفيش مرة تيجي تقعد معانا كده . . . .
= معلش بقي يا بهاء باشا انت عارف ضغط الشغل كل يوم عامل ازاي . . . . طمني ايه الاخبار الواد نطق ولا قال اسمه . .
_ مش عاوز ينطق خالص جربنا معاه كده حاجه بس خدنا ب**اته وهنعرفه كده كده . . . . .
= طيب ممكن تجيبه نشوفه . . .
_ ايوة طبعا ممكن بس انتو عاوزين ولد زي ده في ايه . . .
= انا معايا زينه اخوها مختفي من يومين في نفس الوقت الي قبضتوا في عالولد ده تقريبا فا هي بتدور عليه وعاوزين نتأكد لو كان هو ولا مش هو . . .
_ طبعا انت عارف ان م***ع عليه الزيارة بس عشان خاطرك انت يا شريف باشا انا هخليك تشوفه . . . .
= ماشي يا بهاء تتردلك في قضية عندي ان شاء الله .
_ يا عسكري هاتلي المسجون بتاع امبارح الي ناسي اسمه ده .
= حاضر يا فندم . . .
راح العسكري يجيب المسجون وبهاء قعد يتكلم مع زينه شوية.
_ انتي اخوكي ليه اي علاقه با****عات الارهابيه . . .
= لا خالص ولا عمري سمعت عنه حاجه زي كده و لا هو ولا اصحابه مستحيل يكون زين . . . زين عارف ربنا كويس وعمره ما يأذي حد ولا يعمل كده . . . .
_ عالعموم هتتأكدي دلوقتي بنفسك لو كان هو ولا مش هو . .
فجأه الباب خبط والعسكري دخل . . . .
_ المسجون اهو يا فندم . . .
بصت زينه في اتجاهه بسرعه وقالتلهم . .
_ مش قولتلكم مش هو انا كنت متأكده من قبل ما اشوفه انه مش زين لأن زين عمره ما يعمل كده . . .
= خد المسجون يا عسكري نزله تحت . . . .
_ شكرا جدا يا بهاء تعبناء معانا والله . . . .
= ده مكانك يا شريف في اي وقت انت اخ عزيز علينا كلنا . . .
خد شريف زينه ونزلوا ركبوا العربيه . . .
_ كان نفسي يطلع هو وبالك يرتاح انتي و مامتك انا كنت حاسس انه هو بس طلع إحساسك انتي الي صح . . .
= دا اخويا عشره عمري وعرفاه كويس دا ميقدرش يأذي اي حد حتي لو كان آذاه هيروح ينضم لجماعه إرهابية مرة واحده . . . وبعدين زين بيصلي وبيصوم زي كل المسلمين لكن مش متشدد فالدين لدرجه انه ينضم لجماعات إرهاببه . . . .
_ طيب والعمل دلوقتي موصلتيش ل اي حاجه عن اصحابه عندكم فالشارع مفيش اي جديد . . . .
بقولك ايه يا زينه انا هاجي معاكي اوصلك جايز اوصل ل اي حاجه عن طريق شارعكم . . . .
= طيب و شغلك . . .
_ مهو ده شغلي انا عمر ما وقف معايا قضيه قبل كده من النوع ده لازم اكل شغلي للآخر انا هاجي معاكي لو مش هيضايقك . .
= طبعا تيجي علي راسي من فوق يا حضرة الظابط . . .
ممكن اطلب من حضرتك طلب . . .
_ اتفضلي يا زينه طبعا . . .
= تطلع مايا البيت تطمن امي ان كل حاجه هتبقي كويسه احسن دي ست كبيرة وهيجرالها حاجه . . طمنها اننا مش ساكتين وبندور في كل مكان . . . اديها آمل بسيط انه عايش . .
_ حاضر يا زينه هاجي معاكي واطمن مامتك وكل الي عاوزاه هعملهولك . . . .
= ربنا يباركلك يارب عشان انت انسان شهم و بتقف جنب الناس . . .
وصلوا الشارع بتاع زينه ونزلوا من العرببه والناس كلها كانت بتبص علي زينه انها نازله من عربيه شرطه ومعاها ظابط . .
_ هو ده شارعنا يا حضرة الظابط هنبدأ منين . . .
يتبع
كتابات ل ghada saeed