Liezel
"I'm just going to use the restroom for a moment. Don't leave here." Nagpunas ng mga labi si Damien gamit ang table napkin bago tumayo at nagtungo sa kaliwang bahagi nitong roof deck.
Natanaw ko naman si Veronica na nasa kanang bahagi at masayang pinakikiharapan ang mga bisita niya. Napatitig ako sa mga pagkain na nasa harapan ko. Inuukupa na kasi namin ngayon ni Damien ang isang maliit na mesa at puno ito ng mga pagkain at inumin.
Kumakalam na ang sikmura ko lalo't nalalanghap ko ang bango nila, pero hindi naman ako makakain sa harapan ni Damien. Muli akong tumanaw sa kaliwang bahagi. Natanaw kong lumiko na si Damien sa isang hallway.
Sinamantala ko na ang pagkakataon na wala siya. Mabilis na akong sumubo ng mga pagkain. Kinain ko na ang lahat ng mga bago sa paningin ko. Masas
