MADILIM ang mukha ni Flex habang sinisimsim ang baso ng alak. Nasa bar siya ngayon para makipagkita kay Gido. Gusto niya itong makausap at para maging malinaw ang lahat. Maingay ang kabuuan ng bar at pinapalooban ng mausok at patay-sinding ilaw.
Nakaupo siya ngayon sa stool malapit sa may bar counter habang nakatukod ang kaniyang bigat sa kaniyang dalawang siko. Hinihintay niya ang oras na dumating si Gido.
Sinipat niya ang kaniyang relos at doo'y may kinuha sa kaniyang bulsa. It's his checkbook.
Mayamaya pa ay may naramdaman siyang pagtapik sa kaniyang braso.
"Tol! Kanina ka pa? Na-traffic lang ako," boses ni Gido na agad na tumabi sa kaniya. Hindi nito napansin ang mukha niya dahil agad itong tumawag ng bartender para um-order.
"Scotch, double." Ani Gido na suminyas pa sa barte
