Halos lahat walang imik. Walang nagsasalita. Wala kang maririnig kundi puro hikbi. Ang araw kasi na pinakahihintay niya ay naging malagim na araw. Hidni lang para sa kanila kundi para sa Salinlahi. At wala na sigurong mas nasasaktan ngayon kundi si Agos.
Dapat masaya sila ngayon. Nagdidiwang para sa pagsilang ng kanyang anak, ngunit kabaliktaran.
Hinihintay nila ang bata pero wala naman na itong buhay.
Tila si Gabbi ang nagluluksa para sa kanyang kapatid na walang kaalam alam na ang isisilang niyang sanggol ay pumanaw na.
Kanina pa ito humahagulgol habang nakayakap sa kanyang asawa.
Habang si Agos naman ay patuloy pa rin hinihiling na sana magkaroon pa ng pag-asa. Na sana paglabas ng sanggol maayos ang kalagayan nito at maisalba pa nila. Kung 'di man sana nga ay isang panaginip na l
