Mahigpit niyang hinawakan ang braso ni Nathalia pagkatapos ay napalingon sa paligid niya.
"Bakit ka nandito?" tanong ni Agos.
"Anong bakit ako nandito?" nakangiting sagot ni Nathalia.
"Nathalia, nag-usap na tayo 'di ba?"
Napangiti si Nathalia bago ipinaglandas ang kanyang mga daliri sa pisngi ni Agos.
"Bakit? pumayag ba ako sa gusto mo? hindi 'di ba?. Saka hindi ka ba masaya na nandito ako ngayon na kasama mo?. Masama ba na dalawin ko ang asawa ko lalo na ngayon na abala ka sa mga gawain mo sa Salinlahi?"
Tinapik niya ang pisngi nito pagkatapos pinagsiklop ang mga daliri nila. Mapangakit ang bawat tingin niya, at alam mo na may pagnanasa para kay Agos dahil daig pa nito ang ahas kung maka yapos sa kanya.
"Naisipan ko kasi na panahon na para tuparin ko ang tungkulin ko sa 'yo bilan
