Hindi ko akalain na tototohanin niya yung sinabi niyang bibili siya ng ref dahil pagdating na pagdating namin sa bahay ay sakto na dumating ang Ref na ipina-deliver niya. Pero hindi lang yon dahil may binili rin siyang TV.
Alam ko naman na minsan kalabisan na ang mga kundisyones ko sa kanya pero grabe naman ‘to! hindi ko naman siya pinipilit na bumili pero bumili pa rin siya.
Siya ang nag-akyat sa bahay tapos tinulungan niya rin akong ipagkasya ang mga pinamili sa ref. Sa sobrang dami ay hindi na namin nailagay yung iba at sa taas ng ref nalang namin inilagay. Mabuti na lang at hindi naman iyon masisira.
Halos mapuno rin ng de lata ang rack sa gilid ng lababo. Siguro tatagal din ng tatlong linggo itong pinamili namin.
"Ang dami nito Agos,"
"Ayos na ‘yang madami kaysa naman walang m
