Tuluyan na nga akong nakarating sa swimming area nang mag-isa. Madalas dito ay walang estudyante lalo na ngayon na mayroong event. Pero hindi naman ito sarado at kahit may bantay man, allowed ako sa area dahil kabilang ako sa swimming team at dito ako madalas magsanay.
Walang kahit isang estudyante pagdating ko sa pool area. Solong-solo ko ito. Siguro dahil laban ng basketball at ito ang unang beses na makikita ng lahat ang paglalaro ni Ford.
Lahat talaga ay interesado sa kaniya, huh?
Napabuntonghininga na lamang ako at nagpalit na ng rash guard. Itim na long sleeves at saktong hapit sa katawan, at ang kapares nitong itim din na swim shorts.
Naglagay na rin ako ng swim cap para hindi sagabal ang buhok at makalangoy nang maayos. And I got my goggles with me. Pagtapos ay sinara ko na
